Aanuulema muAfrika otaya mono iihuna

0
33

Laura-Stella Enonchong

Okommissi yaAfrika oya longekidha oshinyolwa oshipe sheuvathano epe li na sha nuuthemba womuntu, shika otashi dhenge omuthindo kuuthemba waantu ye na uulema noku ulika kutya aantu ayehe oye ona uuthemba wuthike pamwe komeho gompango. Omushangwa nguka ogwa koleka wo kutya oye na uuthemba welongo, emanguluko, nuuthemba woku kuthombinga mopolitika nokukala moshigwana. Onkundana ndjika ombwaanawa unene tuu kaantu mboka ye na uulema.

Euvathano ndika olya kwatela mo aanuuvu womomadhiladhilo kohi yooveta dhomiilongo yawo naandhoka dhiitopolwa muAfrika. Euvathano lyuuthemba womuntu mu Afrika nalyo inali tula po omautho ngoka ta ga, gamene aantu mbaka. Okommissi oya koneke kutya euvathano lyuuthemba waantu, inali gandja egameno lyemanguluko lyaantu mboka ya kwatelwa miipangelo omolwa uuvu mbuka.
Omwaka nguka ogwa monika gwa yela momumvo 2001, sho Okommissi yAfrika ya uvu oshipotha shoka sha ningwa kaantu taya popile uundjolowele waantu mboka ye na uulema womomadhiladhilo moGambia. Oshipotha shika osha li sha falwa kompangu pehala lyaanuulema womadhiladhilo moshipangelo shawo moGambia.

Iizemo mbyoka ya koleke omukalo ngoka gwa pitike ekwato lyaanuuvu womadhiladhilo, oku ya thiminika noku ya kwatela momahala gaantu ye na uuvu womadhiladhilo, osha talika sha pumbiwa okuya panga. Oshilanduli shetokolo ndika osha mbwalangandja unene tuu moAfrika moka aantu ye na uuvu womomadhiladhilo, haya monithwa iihuna nuuthemba wawo ihaa wu simanekwa.
Etaambeko lyoshinyolwa shotango mokugamena uuthemba waanuuvu yomadhiladhilo osho onkatu yu uka mondjila.

Nkene aanuuvu mbaka ya talika ko moshigwana.

Aantu ye na uuvu mbuka olundji oya holekwa opo yaa monike koshigwana. Shika ohashi ningwa opo ngiika ya gamenwe yaa mone oshiponga nenge okugamena ofamili kepenge lyayo lyokukala nomuntu ta ehama momadhiladhilo.

Oonkatu ngaashi ndhika otadhi zi meitaalo kutya oku ehama momadhiladhilo muAfrika okwa talika ko ongo ethingo, okuyeleka nokutseya kutya shika osho owala uuvu. Aantu mboka ye na uuvu mbuka ohaya etelwa ohenda na ohaya ikalekelwa ongo omukalo okuya gamena koshigwana.

Aantu ye na omadhiladhilo ga za pehala ohaya kwatwa wo noku kalekwa pomahala gokupangwa gopamuthigululwakalo nenge momahala gopaitaalo ngaashi momahala gomagalikano. Nando okufalwa komahala ngoka oko onkambadhala oku ya panga, shika ohashi endele pamwe nomahepeko ngaashi okutulwa momalyenge, okudhengwa, oku ikalekelwa noku lumbulwa iikulya, oyo yimwe yomahepeko ga lopotwa.
Miipangelo yuunamiti moka hamu pangwa aantu ye na uupyakadhi womadhiladhilo , olundji ka mu na omukalo gwa kankamekelwa kuuthemba womuntu.Mbaka ohaya vulu okumangwa nenge oku kwatelwa mo, moosaala ndhoka, no inaa ya konakonwa nawa kutya oye uvite peni? Omahepeko oga kwatela mo okuhepekwa nokugeelwa kwaa na henda kwaantu mbaka ye na omadhiladhilo ga za pehala.

Kombinga yaGambia omahepeko gamwe moshipangelo shaamboka ye na uuvu wopamadhiladhilo sha Campama Pyschiatric Unit, oga kwatela mo oku edhililwa ethimbo ele , ehepeko lyopalutu nokuthiminika aantu ya mwenye monkalo yaa na uuyogoki yo ishewe otayi shundula.

Egameno lyuuthemba womuntu

Omukalo ngoka Okommissi tayi longitha ogwi ilile. Omauvathano galwe gopaigwana nogopaitopolwa ngaashi ndyoka lyuuthemba waakwashigwana nuuthemba wopapolitika euvathano lyuuthemba womuntu lyaEuropa naandyoka lyuuthemba womuntu lyaAmerica ohaga gamene emanguluko lyaantu ye na uupyakadhi womadhiladhilo.

Iilongo mbyoka hayi manga aantu yayo molwa shoka oye na omadhiladhilo ga za pehala ohayi shi ningi inaashi taambiwa ko.Euvathano lyuuthemba womuntu lyIigwana Hangano olya tsikila. Olya ti okukala omuntu e na uuwehame momadhiladhilo kali shi etompelo These state that detaining people just because they have a mental disability or i okuyuga aantu mbaka emanguluko lyawo.

Oshinyolwa shotango shoKommissi yAfrika otashi ulike omautho ngoka taga gamene emanguluko lyaantu yena uupyakadhi momadhiladhilo . Ota gu utha kutya oku kala omuntu kee li nawa hasho etompelo opo nguka a yugwe emanguluko lye.

Ngele iilyolongo yoAfrican Union oya taamba nokukoleka euvathano ndika, nena otashi kala shaa li paveta okukwatela aantu ye na omadhiladhilo ga za pehala momahala giikalekelwa shi ikwatelela ketompelo kutya mbaka ka ye li nawa momitse.
Ndjika onkundana ombwaanawa. Ndele nee otashi vulika omushangwa nguka gu kondjithwe kiilyolongo yimwe. Omapangelo ishewe oge na okulongitha oshimaliwa oshindji oku mona kutya aantu oye na oompito oku mona uuthemba wawo mbuka.

Kombanda ya ayihe euvathano ndika olya pumbwa okutungwa po okuwilika omapangelo gAfrika nkene taga kandula po omikalo ndhika omiwinayi mokuyakula aanuulema wopamadhiladhilo.

Euvathano ndika otali ka pwa ngaa?

Okommissi oya koleke euvathano-shinyolwa shotango muFebuluali 2016. Oya gandja nale omushangwa nguka kuAU opo gu talululwe opo gu ningwe euvathano ndyoka tali dhengele.

• Laura-Stella Enonchong omulongi gwoompango moDe Montfort Yunivesiti

LEAVE A REPLY

Please enter your comment!
Please enter your name here