Eshonopeko lyethimbo okukonakona aanona ye na HIV

0
82

Jonas Oddur Jonasson

Ohaya ti ethimbo olya simana. Mu Afrikas kohi yombuga ya-Sahara moka oshititatu shaanona ye na ombuto yo HIV haya si manga inaa ya gwanitha omvula yimwe, okukonakonwa pethimbo oshinima sha simana. Pamiyalu dhongashingeyi dhoUNAIDS , aanona konyala 150 000 ohaya monika ombuto yoHIV moshitopolwa kuumbugantu waSahara omumvo kehe. Molwa omwaalu ogundji gwaanona taya si koHIV osha pumbiwa ya kale haya konakonwa mbala.

Aanambelewa yuundjolowele oya kala nokulonga noshinima shika omimvo odhindji. Otaya shonopeke onkalo ndjika ngiini unene tuu ethimbo ndyoka hashi kwata oku kutha omunona ombinzi noku yi tumina kolabola oshowo oku mona omayamukulo oku za hoka?

Shika osha simana molwashoka osho tashi utha kutya etimbo li thike peni tali piti po omanga omunona inaa tulwa kepango lyo HIV. Oku mona iizemo yomakonakono kolabola ohashi kwata konyala omwedhi gumwe sigo oomwedhi ndatu muAfrika kohi yombuga yaSahara.
Monkalo ya kwalukehe ethimbo efupi otali vulu oku adhika moku hwepopeka olweendo lwombinzi okuza kokapangelo noku ya kolabola. Shika otashi vulu okuningwa uuna pwa indjipalekwa iiyenditho yoku fala oosampula kolabola, okukuta aahingi ya gwana ,okudheula aanambelewa yuunamiti ya gwana , okulanda iilongitho yomondjila okukonakonitha noku hwepopeka omakwatathano.

Malawi na Nigeria mu Afrika oyo iilongo iyali ya longa nawa moshinima shika. Ndele ngele owa lesha iizemo yekonakono lyetu okutala nkene iilonga yooklinika noolabola tayi longo, oonkambadhala ndhika inadhi gwana. Ethimbo limwe oompito oku endeleleka omayakulo ngaka otadhi adhika mondjila yoku enditha yoyene. Otwa koneke shika sha landula omakonakono nkene omakonakono haga ningwa moMozambique. Oshilongo shika osho shimwe shiilongo muumbugantu wombuga yaSahara tashi longo nuudhigu oku endeleleka omakonakono goHIV maanona aashona.

Otwa tala iiningwanima oyindji yindji okuza tuu kethimbo oombinzi dha kuthwa , nethimbo omayamukulo ga monika. Konima otwa ka eta po omukalo nkene omayakulo ngaka taga hwepopekwa opo ethimbo lyago li kale efupi. Otwe shi koneke kutya omalunduluko omashona otaga ningwa opo ethimbo li shonopekwe nokunenepeka omwaalu gwaanona mboka ye na oku konakonwa.

Shimwe shomiiyimbi ya thikama mondjila yokukonakona aanona osho oshina sha nelyenge lyuupangelo noshowo oolabola moMozambique. Oshilongo shika oshi na konyala uukilinika 400. Mbuka owa pewa oolabola hoka wu na okutumina oombinzi dhi ka konakonwe shi ikwatelela kiitopolwa yopapangelo.Dho oongamba ndhika inadhi tendwa pamatompelo guundjolowele ndele oongoka gopapolitika.
Omolwashika oto adha iitopolwa yimwe yi na aantu oyendji omanga iikwawo mu na ashike aantu aashona. Naashika otashi ti iilonga yolabora inayi faathana, dhimwe odhina iilonga oyindji omanga dhimwe dhi na iilonga iishona shu uthwa komwaalu gwaantu.

Uuna uupangelo owundji wa tumu iikonakonwa yawo kolabola yimwe nena ndjika ohayi kala yi na iilonga oyindji niizmo yomakonakono otayi katekwa. Ishewe ngele uupangelo Uushona owa tumine iikonakonwa iishona kolabora onkwawo nena ndjika otayi kala manga ya tegelela iikonokonwa okuza palwe opo yi gongale oshoka oshina ondilo okukonakona ashike oshikonakonwa shimwe. Oshina ondilo kutya nee iikonakonwa iishona nenge oyindji iilongitho oyo yin a ondilo unene.

Mekonakono lyetu otwa eta po omikalo mbali dhokulonga nodhuunamiti osho wo einyengo ndyoka lya guma ekonakono lyomunona. bMomuhingo gwotango otwa tumine uupangelo wumwe koolabola hoka haako wa li hawu fala iikonakonwa opo tu indjipaleke omwaalu gwaanona mboka taya tameke omakonakono mokushonopeka ethimbo lyokumona omayamukulo gawo.

Oshe tu ulukile iinima ya simana iyali , kutya okulundululila uupangelo wumwe koolabola dhimwe okwa vulu okushonopeka ethimbo lyokugandja omayamukulo konyala nooperesenda 11 okuyeleka naashoka hashi ningwa ngashingeyi.

Oshitiyali omwaalu gwaanona ye na HIV mboka ya tameke epango ogwa indjipala nooperesenda 4. Omukalo omukwawo twa longitha oongoka goku inyengitha omashina gokukonakona pokati koolabola tu tale ngele shika otashi ka eta po elunduluko lya sha muundjolowele.
Mokuninga ngaaka okulongela omakonakono pehala limwe otwa koneke kutya ethimbo lyokugandja iizemo yomakonakono olya hwepopala konyala nooperesenda 22 naanona mboka ya tameke okuyakulwa oya yi pombanda nooperesenda 7.

Iizemo mbika oya ulike kutya okutula iilonga mbika pehala limwe okwa guma oonkundathana nenge oompata ndhoka dha kala dhili muundjolowele wopashigwana muAfrika kohi yaSahara.

Moku shonopeka omasiku, iiwike noomwedhi aanona mboka ye na HIV otaya vulu okutameka okupangwa mbala.
• Jonas Oddur Jonasson Omukwatheli Professori Gwiilonga newiliko mosikola yaMIT Sloan School of Management..

LEAVE A REPLY

Please enter your comment!
Please enter your name here