Ndeilenga okuhole okukwatha aamatuki yena uulema

0
46

Shipi Elago

ONGWEDIVA-Okwa hoololele Kundana ohole ye, pethimbo lyoonkundathana ndhoka a ningi noshifo shika oshiwike shika.
David Ndeilenga omumatuki ngoka ha kwata Lahja Iishitile, uuna omukadhona nguka omugundjuka ta yi momathigathano gokumatuka.
Ndeilenga oha matuka naLahja momathigathano gopauyuni nando ka sha li oshipu petameko. Ota ti ngashingeyi oye na euveko li li pombanda na ohaya longele kumwe nawa oshoka oya kala ethimbo ele ta ya matuka pamwe.

Ishitile ngoka e uulema womeho, oha matuka muudhano mboka hawu ithanwa T11 wiinano yoometa 100 noshowo 200 mboka wa nuninwa aantu ye na uulema womeho.

Kepulo kutya ohe shi ende ngiini opo a matuke nomuntu kee weteko nando, David okwa ti tango owu na okukambadhala opo wu etepo einekelo pokati komudhani naangoka temu yambidhidha opo ayehe yaa kale ta yi iyutha kwaashihe shoka taya lombwelwa.

David ota holola nkene e hole okukwathela aamatuki ye na uulema, oshinima shoka a li eshi tameke mo2013 sigo onena.
Ashike David oku uvite nayi sho aadheuli yosipana yopashigwana ya hala okupa Ishitile omukwatheli omupe sho ta ka ya muudhano woCommon Wealth ta ti shika ka shi li mondjila oshoka Ishitile mwene naye ine shi panda naamboka oya hala owala okwiipa omahala opo ya ye momalweendo gopaiwana na ka ye na onakuyiwa yaadhani komutima.

David okwati Namibia okwa pumbwa aamatuki oyendji yokukwatha nokumatuka pamwe naamatuki ye na uulema ya pyokoka oshoka omwaalu gwaanuulema yomeho mboka yena ohokwe okukutha ombinga muudhano woAteletika ogu li pombanda.

Ashike okwa holola kutya omuyambidhidhi okuna okukala ena ontseyo ya gwana opo ashike a pondole okumatuka nomuntu e na eelema.
“Opuna oompango dhina okulandulwa nongele ino iyutha kudho nena ota mu vulu okutidhwa mo muudhano,” David ta ti.
David ngashiingeyi oti idheulile omaudhano goNedbank Challenge ngoka yo nomumatuki gwe Lahja Ishitile taya ka kutha ombinga kuyele nuumvo koSouth Africa.

LEAVE A REPLY

Please enter your comment!
Please enter your name here