Omukondjeli- manguluko omuyelele ke na uuthemba

0
97

Loide Jason

ONKAANKAA-Omuyelele gumwe gwomomukunda Onkaankaa ngoka a kutha ombinga mekondjelo manguluko lyaNamibia, Josef Simeon onkee nga a hupa ko kuuwanawa mboka hawu pewa aakondjeli manguluko molwokwaahena uuthemba woshilongo.
Shoka sha etitha opo a kale kee na uuthemba mboka aniwa, okwali a longele mUuministeli wEtanga lyEgameno (NDF) moka a longo mo onga omukwaita a li a kala mOkahandja.

Aniwa sho a kala mOkahandja miilonga okwa li a tidhwa mo oshoka aniwa okwa kala nokulwitha yakwawo.
Sho a tidhwa mo okwa thigi ko uuthemba we awuhe onkee ke lwete we oombapila dhe nganshingeyi.
Simeon okwa li a zi niilonga kombanda eta longo metanga lyegameno moka uule womimvo dhi vulithe pomulongo.
Ngashingeyi okuna omimvo konyala 60 ihe iha kwata openzela ye iha mono sha kombelewa yoonakulwa aakulu, ndjoka hayi gandja uuwanawa kaakondjeli manguluko.

Ngashingeyi okwa ninga omukeleli gwoongoma puundingosho opo a vule nduno oku pewa sha sho kunwa.
“Omwameme okwa li ashike ha lala mokuti moka sigo ta mono po omusihenda ngoka ngashingeyi oye emu pe a keelele pehala lye,” osho omumwaina kadhona gumwe a popi ngoka ali inaa hala oku tumbula edhina lye moshikundaneki .

Otaku hokololwa Simeon ngashingeyi a ninga oshilema mokana sho aniwa a li a dhengwa konyala oku sa ku gumwe gwomomukunda moka omanga ye ali a kotha.

Mboka ya gandja ehokololo ku Kundana oya ti Simeon okwa dhengwa ashike omanga eli moomposi noshikwawo nguka iha hindi ihe okwali a imwenena na iha hindi omuntu.

Oya hokolola kutya nguka okwali a dhengwa noshitenda komutse shoka sha etitha nee opo a kale keshi ku popya we nawa oshoka okwali a ehama noonkondo shoka nokuli sha etitha opo a kale uule womwedhi niiwike moombete moshipangelo.

Kansela gwoshikandjohogololo shoka okwa indile aakwashigwana ya simanekathane oshoka Simeon okwa dhengwa ashike oshoka omuyelele.
“Aantu mboka ye mu dhenge oya dhina omolwa ngiika omuntu sho omuyelele ihe shika nashi mone ehulilo,” kansela Johannes Iiyambo osho ati ngaaka a kumwa sho omuntu a kanitha ewi molwashike oku dhengelwa owina.

Okwa indile woo uuministeli mboka mwa li hamu longelwa ku Simeon wu kwathele ngele owa mona uuthemba we opo a vule oku kwathelwa ngaashi naanaa eshi ilongela.

LEAVE A REPLY

Please enter your comment!
Please enter your name here