Oshili shoka sha dhipagitha Lubowski, na Chris Hani

0
289

Oshilyo shoSWAPO Anton Lubowski okwa dhipagelwa peelo lyegumbo lye moWindhoek mo1989, konima ashike sho a panga uukuume nomulandithi gwoondjembo oshowo okawe. Pethimbo mpoka Omukuluntu gwomatanga gaakwiita go ANC, Umkhonto we Sizwe [MK] naAmushanga Ndjai gwongundu yUukomunisi yaSouth Africa, [SACP] Thembisile Chris Hani okwa dhipagwa mo1993 (omumvo gumwe omanga inaa ku yiwa momahogololo guudemokoli moSuid Afrika). Okwa si mokati koombumbo oonene dhali tadhi gandjwa kaalandithi yiikondjitho kaawiliki yo ANC moshitopolwa shuukwiita. Omukalelipo gwoANC Dulcie September okwa dhipagelwa moParis mo1988 pethimbo pwa li oonkundathana kombinga yomauvathano giikondjitho pokati kaFrance no ANC.

Miiningwanima ayihe itatu onda lombwelwa kwaamboka ya li popepi niihakanwa mbika kutya September okwa li ta “kondjo naantu ya simana”, omanga anuwa Lubowski “kali a hala okulonga shoka [aanangeshefa yontumba] ya li ya hala. Yee Hani “ka li ta pitike uulingilingi metanga lyoMK moANC.”

Momimvo dhomilongo hetatu nopetameko lyomimvo omilongo omugoyi, sho Suid Afrika na Namibia ya zi mokatongotongo nokuninga iilongo yuudemokoli, dho oondjindikila odha li dha kuthwa po, oongundu dhaanangeshefa yopaigwana odheya okupopya nomapangelo omape goANC noSWAPO okulanda oonzo osho wo okulanditha iikondjitho.

Mo Namibia, aalandi yokawe aaFranisa, aaItalia, aaIsraeli naAmerika oya holoka konima yethimbo lyoondjindikila, omanga aalandithi yoondjembo oya tameke oku hedha popepi noANC moSaid Afrika kuyele momimvo dho 1991.

September, Lubowski na Hani oya tindi omauvathano ngaka, etambathano lyuungomba wopakwiita miikwalute, euvathano kombinga yomahooli, okawe noshowo uuthemba woku kala nomahala goku dhanena iimaliwa noshowo nee omauvathano ngoka giilwitho.

Omakonakono gopambelewa gopolisi oga ulike kutya omadhipago gaambaka oga hwahwamekwa kuutondwe wokatongotongo na oga ningwa koongundu dhokudhipaga, edhipago lya Hani olya ningwa komunambelewa ta tenge kolulyo papolitika. Ehokololo ndino lyopambelewa olyo natango tali uvika moSuid Afrika, nando otashi kumitha unene sho miiningwanima iyali aanambelewa aakuluntu moSwapo ya thanekele kutya oshili momadhipago ngaka nayi hadhwe momauvathano inaa ga yela. Omupevi Minista nale gwiikwapondje, Aziz Pahad, okwa tseyika sho a koleke kutya “Dulcie okwi itsu momushangwa gu na sha niikwalute. Oshilyo sho SWAPO’s [ngashingeyi Omupresidente gwa Namibia] Hage Geingob okwa lombwelele aatoolinkunda kutya Lubowski, mesiku a dhipagwa okwa li moonkundathana okupotokonona oshinima niimaliwa.

Kombinga ya Hani, oohailwa ye oya fatulile ndje nkene ye a li endangalati meuvathano lyiikondjitho lyongushu yooN$816 oomilliona lya li tali kundathanwa newiliko lyo ANC pethimbo ndyoka.

Onda nyanyangidha omahokololo ogendji kombinga yomauvathano giikondjitho oshowo ngoka gomafia nekwathano lyomadhipago lyaSeptember na Lubowski moshikundaneki sha Suid Afrika shoMail & Guardian. Ehokololo lyu udha lyomadhipago ngaka gatatu nomauvathano galuudha olya hokololwa nawa membo lyandje ‘Dulcie, omukiintu ngoka e na okumweneka okana ke, lya nyanyangidhilwe mo 2001 moshiDutch moNetherlands, nembo olyo tuu ndyoka olyo ndyoka Jacana’s Maggie Davey a li a hala okunyanyangidha mo Suid Afrika.

Ehokololo lyaLubowski olya shangwa moshinyolwa shembo lyokudheula aatoolinkundana aakonakoni yomuule lyaSuid Afrika; omanga omahokololo lyaSeptember lya nyanyangidhwa moshinyolwa [shOyunivesiti ya Rhodes mo Grahamstown, moSuid Afrika) nehokololo lyomalanditho giikondjitho medhipago lya Hani olya nyanyangidhilwe moshifo shedhina ZAM Magazine moNetherlands mo 2005. Ndele nee shoka tashi kumitha ooshika kutya ethimbo kehe omahokololo ngaka ga nyanyangidhwa nenge ga kundathanwa oha ga hululile memweno enene.

Momumvo 2011, ezimino lyakuPahad kutya September okwa dhipagwa molwa oshinima shiikwalute. Shika onde shi tseyithilwa momumvo 1995 lwotango na osha ka endululwa moshiFranisa komushangi gwomahokololo ga konakonwa muule omuFranisa],na ishewe ga holoka moshikundaneki Mail & Guardian. Ihe nando ongawo oshikundaneki Cape Times mo 2012 osha popi ishewe kombinga yoongundu dhaa dhipagi yokatongotongo ongo oyo taya pewa uusama mokulonga iilonga mbyoka. Ehokololo lya Lubowski olya nyanyangidhilwe ishewe moshikundaneki sho Mail & Guardian mo 1999, ndika itali monika ko we kepandja lyoshifo shika ngele ando omuntu we li hala.

September okwa li ta konakona etaambathano lyuunongo wopakwiita miikwalute pokati kaFrance nepangelo lyaSuid Afrika. Okwa li a tsakanene noonzo dhomomalanditho giikondjitho ndhoka inaa hokololela nando olye, nokwe dhi holeke wo amushanga gwe gwopaumwene, okwa li a tseyithile aanambelewa yopombanda moANC opo ye ye ya hulithe po shoka kwa li tashi ningwa, okwa li wo a dhiladhila okutseyithila aakondjithi yokatongotongo kombinga yiikondjitho na okwa yahwa okusa, sha ningwa paithano, a yahwa iikando itano momutse omanga inaa tsikila ko.

Aalandi yiikondjitho mbaka Kjellberg nongame twa konakona moshinima sha September oya tungu uukuume na Lubowski gwo SWAPO oomwedhi ooshona omanga inaa dhipagwa. Omulandi gwiikondjitho oye Alain Guenon. Nguka okuna ekwatathano enene nezimo lyomupresidente gwa Franisa Mitterrand na okwa li wo ha holoka ongo omuyambidhidhi gouusosiale wo ANC no SWAPO, nokwe shi pondola okuninga omugandjimayele gwa Winnie Mandela na Tokyo Sexwale moANC.

Kuume gumwe ngoka a hedha ishewe popepi na Lubowski pethimbo olyo tuu ndyoka Guenon a kwatathana na Luboswki oye Vito Palazzolo, omunambaanga omuItalia [ngoka pethimbo ndika e li mondholongo yaItalia molwokuyoga iimaliwa oshowo molwomakwatathano nomafia. Palazzolo oku na omagumbo noofaalama moNamibia nopethimbo a kwatwa mo 2013 okwa adhika ta mwenya moNamibia].

Shoka Lubowski a li inaa tseya ooshika kutya, Guenon, na Palazzolo oya li ye shaathane, na oya li ya dhimbululwa komupekapeki gwopaigwana Kroll ongo aanangeshefa haya longele kumwe momina yokawe moAngola. Ayehe yaali oya li wo ookuume aawanawa yaa futhi yiikondjitho naa yaki yiikondjitho nookuume komatanga gaakwiita yokatongotongo..

Guenon okwa li e na ekwatathano nehangango lyomeholamo lyaakwiita yomukolonyeki Suid Afrika melongelokumwe nomulongithwa Rob Colesky okupitila mehangano lyawo moNamibia, Spectrum Furniture. Spectrum Furniture, ehangano ndika olya li tali landitha iipundi niitaafula yoombelewa dhepangelo epe lyoSWAPO moNamibia. Euvathano ndika lyokulanda ikwapundi olyo lye ende pamwe niimaliwa yokuendela po nawa molupe lwootjeke mbyoka mbyoka ya pewa Lubowski naambika oya ulike ya za kiilonga yomonanguwi yetanga lyaa kwiita ya Suid Afrika.

Pahokololo lyoonzo dhiithikamena moVenduka, iimaliwa yokuenditha mbika oyo yali pehuku lyiinim yiimaliwa mbyoka Lubowski a li ta potokonona esiku ndyoka a dhipagwa. Ookuume ka Lubowski oya koleke wo kutya Palazzolo na Guenon oya li ya pula opo Lubowski a se oshimpwiyu kutya yo oya mona ookondalaka dhi na sha nuuthemba wocasino okawe, noku enditha omahooli. Oya hokolola kutya Lubowski okwe ya lombwele kutya ye kali a hala okulonga shika shoka mbaka ya li taya pula eya ningile.

Ihe nando ongawo, Lubowski okwa longo esiku alihe ndyoka a adhipagwa nomambo ge na sha noshinima shiimaliwa shoka a zimine nokwa hokololele aawiliki ooyakwawo yoSWAPO Geingob moonkundathana dhopaumwene kombinga yoshinima shiimaliwa. Oshali pehulilo lyesiku ndyoka, konima sho Colesky a talele po egumbo lya Lubowski noku pula kutya nguka oteya kegumbo etango peni, nopundyoka opo omutseyiveta nguka a yahwa nokusa molugumbo lwegumbo lye. Colesky okwa holoka ishewe ongo omuwiliki gwomahangano gen a sha noku landithas iikondjitho gomweendi gwopokati John Bredenkamp.

September, Lubowski na Hani oya kondekwa noku dhipagelwa pomahala gaana oombangi na oya si pethimbo ndyoka. Okudhipaga kwatya ngaaka okwa pumbwa omuntu e na uunongo nontseyo ndjoka omupolisi omuSouth Afrika a li keehena.
• Oshinyolwa sha fupipikwa sha za mehokolo lya nyolwa kuEvelyn Groenink nolya nyanyangidhwa moshifo sha Zam Magazine.

LEAVE A REPLY

Please enter your comment!
Please enter your name here