Uushona otaka longitha oshikoloni she nuudhiginini

0
85

Pinehas Nakaziko

WINDHOEK-Okakadhona dhingi Baldin Zecky Uushona ha sikola kosekundo sikola yaReverend Juuso Shikongo moshitopolwa shaMuntele, hoka ka sindana ekopi lyaMiss High School North muDesemba 2017 oka ti otaka ka longitha oshikoloni shako nuudhiginini nuumvo.
Uushona okwa ti ye otaka tota po oshikonga shoka sho kumika uukadhona uukwawo mboka uushona opo waa sholole moku adha oondjodhi dhawo.

Uushona okwa ti, nuumvo ota kala iitulamo meilongo lye, koshiputudhilo shopombanda mpoka taka taambwa, omanga ta tsikile noshitalenti she shokweenda.

Okwa gwedha po ta ti, ye ota kala a holokela moVenduka mbala, moka ishewe ta ka joina omahangano ngoka haga kwathele miitalenti mbika.

“Ota ndi ka tameka ishewe okutalela po oosikola odhindji moNooli yoshilongo, moka tandi ka kala noku kumagidha aakadhona yepipi lyandje opo ya humithe ehangano lyokweenda nolyuukadhona dhingi komeho,” Uushona ta ti ngaaka.

Okwa gwedha po ishewe ta ti ye ota ka longitha omapandja goIntaneta opo a ka ninge ondjodhi ye yoshili, oshoka aagundjuka oyendji oye hole okulongitha Intaneta. Uushona okwa ti oku uvite nawa shoo ye a sindana po oshikoloni shika shoMiss High School North. Okwa ti oku uvite etumba nuunambano, noku wete wo a yambekwa, oshoka ethigathano okwa li edhigu noonkondo.

Ethigathani ndika okwa li lya ningilwa mOndangwa, pEkamuti Lodge, mpoka pwa li ishewe pwa holoka okakadhona dhingi hoka haka ende unene pondje yiilongo kedhina Meriam Kaxuxwena. Uushona okwa li a sindana oshindji, mwa kwatelwa ongodhi yoJ5 Prime, N$200, okasiga kokuyenyeka iikutya, niikwawo oyindji.

Ethigathano lyo Miss High School North olya nuninwa okugandja ompito kaakadhona moNooli yoshilongo, naamboka haya nongekwa moosekundosikola dhomoNooli, opo ya vule oku ulika uunongo wawo kaantu oyendji.

Methigathano muka omwali ishewe muna aasindano ooyakwawo ngaashi Taamba Kakoma okuza koGabriel Taapopi Secondary School, Janine Simataa okuza Uukule Senior Secondary School naSaima Aiyambo mboka yali yasindana natango omagano ogendji.

LEAVE A REPLY

Please enter your comment!
Please enter your name here