Aanona aayelele ya monenwa ehala momuhandjo

0
81

Loide Jason

ONGWEDIVA-Aanona yaayelele mboka ya kala ihaa ya yi kosikola uule woomvula dhi vule mbali osho ya monenwa omahala kUutsathima, hoka ku na omuhandjo.

Aanona mbaka oyali ya kala pevi sho oongundu ndhoka ya kala hugunina posikola mpoka, ka yi na we ondondo ndjoka ya landula ko onkene ina ya vula okukala ta ya ende oshinano shuule wookilometa dhi vulithe pomilongo ndatu molwashoka mbaka aashona unene.
Omunambelewa ngoka ta ungaunga noshikondo sho ku humitha aayelele komeho okwa kongele aanona mbaka omahala yo ya wape oku kala ya tsikila nelongo lyawo.

Senia Endjala ngoka a kalela po ombelewa yomupevi president okwa li a yi pamwe nakansela gwoshikandjohogololo shoka Johannes Iyambo kehala hoka opo ya wa pe okukandula po eshongo ndika.

“Aanona mbaka oya pumbwa okukumikwa opo ya kale ya dhiginina elongo lyawo oshoka ngele inaya kumikwa nena otaya ka hulila owala ondjilakati, ihe tse otwa aantu ayehe ya putuka” osho Endjala a popi ngaaka komeho gaavali mboka ya tila kutya aanona yawo ota ya kala ishewe pevi nonuumvo.

Onkalo ndjika oya holoka unene molwashoka aavali yaanona mbaka ka ye na omakwatathano naavali mboka ye na omagumbo geli popepi noosikola hoka oyana ta ya vulu oku ka tsikila nelongo lyawo.

Ihe shika Endjala okwa uvaneke te ke shi kandula po, opo omuhoko gwaayelele gu kale woo na go gwa ya kokule melongo.
Endjala okwa li woo a longitha ompito ndjoka okutakela aavali omunwe kutya hamuvali we ta keelele omunona kosikola unene ngele ye ya pomagumbo nefudho.

Kansela Iyambo na ye okwa kumagidha aavali mbaka ya hulithe po oku ya nuunona koondingosho, a ti shika otashi yonagula po okukala mwenyo kwa wo e ta ya kala ye na onkalamwenyo dha nkundipala.
Sho Kundana a popi nuunona mboka wa li wa kwatithwa komeho kaavali wu ka kongelwe osikola, owa li wa holola omadhilaadhilo gawo kutya owa hala wu ye kosikola opo wu vule okuyambula po okukalamwenyo kwawo noshowo oofamilia dhawo ngaashi tashi vulika.

LEAVE A REPLY

Please enter your comment!
Please enter your name here