Elenga lova!Aman Frederick la dimbulukiwa moLüderitz

0
32

Tuulikki Abraham

Lüderitz-Omuwiliki wopamufyuululwako wova!Aman Dawid Frederick okwa tumbalekwa molwouleli waye muwa.
Omalaka etumbaleko aa okwa popiwa kovapopi va yooloka ovo vali poshivilodimbuluko shomuwiliki ou moLuderitz oshivike eshi.
Ovapopi novaudifi ovo vali va mona omhito yokutya sha poshivilodimbuluko eshi, ova hokolola, nakufya Elenga Frederick, ali omuleli muwa, omukriste wa shili, nokwa kala nokukufa ombinga meyambulepo loshilongo, unene tuu moLüderitz.

Kansela woshikandjohoololwa sha!Nami#nus Jan Scholtz, okwa hokolola nakufya Frederick, a kala noku kwatela komesho eenghundafana di na sha nelundululo ledina loshikandjohoololwa, shaLüderitz, okushi lukulula shi kale oshikandjohoololwa sha !Nami#nus. Edina olo tali yandje oukwatya, wopamifyuululwakalo, komuhoko wova Nama ovo va kala monhele omo muna oshikandjohoololwa !Nami#nus.
Ota ku fatululwa kutya edina !Nami#nus ola lukwa likale edina loshikandjohoololwa omo muna odoolopa yaLüderitz. Molwaashi onhele opo pena odoolopa yokomunghulofuta o Lüderitz, pefimbo lonale, ovapopi velaka, loshiNama , ovo vali ponhele opo, ovali hava ufana onhele oyo (!Nami#nus) kokutya odoolopa ya ukatwa komeva.

Otaku hokololwa nakufya Elenga Fredericks, a kala lela a kufombinga meenghundafana di na sha nomadipao a nghinanghenda oo a ningilwa ovaNama novaHerero kepangelo lovaNdowishi modula 1904.

Engafifi lovanhu olali la ongala, okudimbuluka onghalamwenyo ya nakufya Frederick, nokupandula oilonga ei a longa, ya fimana, ongee okoumbuwanhu woshilongo, ile omoshilongo ashishe.

Eengudu domalwiimbo da yooloka odali ta di mwenyeke oshivilo eshi nomaimbilo, mwa kwatelwa ongudu yolwiimbo yedina !Aman, oshoyo ongudulwiimbo yovanyasha koumbuwanhu woshilongo.

Ovakalimo vomoLüderitz vahapu ovali va ngudumana poshivilo eshi sha ningilwa mongeleka ya A.M.E mo Lüderitz mokudimbuka onghalamwenyo ya nakufya Dawid Frederick, oo a xulifa oweenda waye mo 12 January 2018 moshipangelo shepangelo moKeetmanshoop.
Nakufya Frederick otaka pakwa mo 03 Februali 2018 ko Bethanie.

LEAVE A REPLY

Please enter your comment!
Please enter your name here