ML a tokola okulonga nuudhiginini nuumvo

0
23

KuPinehas Nakaziko

WINDHOEK-Omuimbi omukiintu ngoka ha imbi oongalo dhomaludhi ga yoolokathana gwedhina Maria Immanuel, a tseyika nawa moongalo onga ML, okwa ti ye okwa tokola okulonga nuudhiginini omvula ndjika, ngele tashiya moongalo dhe.

Shika osha landula sho ML a li apititha nokutseyitha oshipandi shoongalo dhe ‘The Diplomat’ pehulilo lyomvula ya zi ko. Etseyitho ndika lya endele nawa nolyali lya ningilwa konyala oshilongo ashihe moondoolopa unene ngaashi Arandis, Walvis Bay, Swakopmund no  moNooli yoshilongo olya popiwa lya li lye endele nawa. Aaholi yoongalo dhe oyendji oyali ya pulakenithwa kuungalo mboka wuli moalbuma ompe nowuna omulyo omwaanawa.

Omukalelipo gwa ML ngoka oye ishewe omukwateli komeho gwoongalo dhe, Naftal Hishekwa okwa ti omvula ndjika ML ota ka thaaneka uuvidio wuungalo we owundji, noku ka longela kumwe naahikingalo oyendji yopondje yoshilongo.
ML okwa li ishewe a nyanyudha oyendji pethimbo sho a li ta ulikwa koradio yomuzizimbe yoNBC kopolohalama yoWhatagwana, hoka a li ta imbi okangalo ke, kedhina O’radio ta kwathelwa kuNeslow. Ongalo ndjika oyo ya dhenga mbanda moongalo adhihe dhi li moalbuma ye ndjika.

ML okwa li ishewe a hogololwa mekopi ndyoka hali gandja omapapa kaahikingalo yomenenevi lyaAfrica lyo AMI Afrika Awards, mokategori kaahikingalo mboka opo ye ya mowela ngele tashiya moongalo.

“Ndjika oyo kwali ompito ombwaanawa okutameka omvula ompe nenyanyu, mwolwehogololo ndika megandjo lyomakopi gopondje yoshilongo. Shika otashi ulike kutya oongalo dhaNamibia ohadhi pulakenwa pondje yoshilongo. Oku mona ompito yatya ngeyika otashi kumike ishewe aahikingalo aashona opo tu longe nuudhiginini neitulo mo, tse tu fale oshitalenti shetu pamuthika gopombanda,” ML ta ti.
ML okwa gwedha po ta ti ye okwi ipyakidhila nale nokupititha oalbuma ye ontiyali pehulilo lyomvula ndjika, moka tamu ka kala mu na aahikingalo ya yoolokathana okuza muAfrika, moku kwathela.

Ngaashingeyi ML okwa thanekitha uuvido woongalo dhe wa adha puutano, moka tamu ka kala mwakwatelwa African Child naKasi Life.
Oalbuma ya ML oya li yatseithwa lwotango muNovemba gwomvula ya piti, pehala lyaanenentu poMaperes VIP Lounge mepandaanda lyaEveline, moka a li a nyanyudha engathithi lyiikundaneki mbyoka kwali ya hiwa poshiindingili osho tuu shika.
ML okwa tseyika nawa mehangano lyoongalo nongalo ye yotango ‘Kushiinge’ ndjoka ya pitile mo 2011, nokuza mpoka okwa kala noku imba na Exit muungalo we wumwe ngaashi Go To Malawi. 

Okangalo ke hoka O’radio ota ka dhana onkandangala, nokavido kako koYou Tube onkene natango taka talwa kaantu oyendji. Moalbuma omuna oongalo ndhoka tadhi hokitha okupulakenwa, ngaashi ‘Kasi Love’, ‘The One’, ‘Come over, naI sing. ML okwa kokela moBelgium moka omo ali a tameke osikola. 

LEAVE A REPLY

Please enter your comment!
Please enter your name here