Moshilando moka aantu ihaa ya geye

0
179

KuMegan Frye

Onda kala moMexiko City konyala oomwedhi hamano no inaandi mona naanaa omuntu a geya montaneho. Naanguka nda mono ka li omukwashigwana gwaMexico.

Oshali ashike konima yesiku lyiilonga, nomokefe moka nda li oya li yu udha na oya kala nomukweyo omule pomafutilo. Ohaluka omulumentu gumwe okwa tameke ta popi newi lya yeluka pombanda okupopitha omutaambi gwiimaliwa. “Ngoye oto kambadhala okuyuga/okunyokoma ndje!’osho a igidha moshiSpainia, shaana omutono goshiMexiko.

Okwa lengalenga mokefe noku igidha mokule kutya okwa gandja oopeso 500, ndele okwa galuliwa ashike oshendja yoopeso 200. Omufutithi omugundjuka okwa holoka a kumwa naamboka ya li momukweyo oya tala poompadhi dhawo nenge kiithanekwa mbyoka yi li komeho gawo.
“Shika itashi itaalwako!” Omulumentu okwa tameke ta ulike oku uva nayi kwe e ku ukitha mu kehe gumwe a li mokefe ndjoka. Shika osho omuyonena”

Kapena nando ogumwe e mu kwathele. Kehe gumwe okwa li a haluthwa kutya oshike ta yeluthile ewi lye nongeyo ngaaka. Hugunina omulandithi okwa piti mo mokefe eta yi koshikololo shi li konima.Omulumentu nguka okwa tsikile noku fudhagana noku ikolomona uule womunute gumwe omanga inaa thiga po ehala ndyoka neendelelo. Sho tuu a ningineko , ye omulandithi ota galuka ishewe , noku yakula omuyakulwa a landula ko neimemeho ngaashi shito.

Inandi tseya kutya omulumentu nguka okwa za peni, ndele shoka nda koneke ooshika kutya ye ina za moshilando shaMexiko. Nenge palwe moMexiko.Halundji omuntu to mono omuMexiko ta kanitha eidhidhimiko lyomaiyuvo, kakele shila ngele ngoka okwa pitilitha otekila[olambika yokoshilongo shoka].

Iha ya geye molwashoka ope na iinima iyali mbyoka yaa na mpoka tayi ku fala moMexiko, okugeya nenge okupopya wu ukilila.[ano itoo kunduka nenge ihoo lile okathima koluko].

Okuza mepipi lyuunona , aaMexiko ohaya longwa opo kaa ya kale aageyi yombala. Omupopyo gwawo otagu ti “Ngoka ha geye , ota kanitha.”
“Tse otwa longwa okukala twi idhidhimika ngaashi tashi vulika monkalo kehe,” Eleazar Silvestre, omukalimo omukwetu gwomoMexiko City a ti, ngoka a tembukile mo okuza kiihwa yawo kuumbangalantu shilongombuga sha Sonora.

Onkalo ndjika oya simanekwa noonkondo noku yeluthwa po miitopolwa yopokati koshilongo mwa kwatelwa wo oshilando Mexiko City, shoka osho shimwe shomiilando yi li pashinanena muLatin America.

“Ito vulu okupopya ngaashi wu uvite muka, kutya nee onkalo oya tya ngiini,” Silvestre a ti.
Omilandu dhoohedhi moshilando Mexiko odha kwatela mo oku ihumbata nawa, kutya nee shika otashi ningwa nokambweenga, shika inandi shi tsakaneka nando onale miilando yilwe yuunene ngaashi waashika. Osho shili, kutya aantu oomilliona 25 taya inyenge esiku kehe moshilando shika, omahilathano oge na okukala ge li pombanda. Ihe muka, omwa fa mu na evundakano lya longekidhwa nawa neyokomeho lya kankamekelwa mepopithathano lyopandjigilile unene tuu elalekathano mokati kaamboka yaa shaathane, noshowo omuthika gwe idhidhimiko guli pombanda.

Iinima iyali mbyoka yaa na mpoka tayi ku fala moMexiko : oyo ngele oho ulike ongeyo montaneho nenge ho popi itoo fudhile po.
Oshiholelwa [ kwatha ndje wo omongwa] ohashi pandika moMexiko City ngele owe shi popi ngeyi[ oto vulu okupa ndje omongwa ngono kuume] noku landulithako epandulo[ onda pandula kekwatho lyoye ewanawa].

Uuthiga welaka lyesimaneko owa taambathanwa okuza koshigwana shaavalelwamo[ mwakwatelwa aAztecs mboka oyo ooyinakulu yaaNahua nena), konima mbuka owa ka tulwa mumwe nomikalo omiwanawa dhaaSpania sho Hernán Cortés nongundu ye yaayugiko ya hwalakata nokuteyagula moshitopolwa shika methelemumvo 1519. Omanga uumbangalantu woshilongo wa li naantu ya mwenya nomuhingo gwa yooloka, gu na enwethemo lyuukoloni lya yooloka kwaandyoka lyomokati nomuumbugantu waMexiko mboka ya li ya nwethwamo unene komimvo 300 gewiliko lya Spania osho wo omimvo ethele lyuukayamukulwa waMexiko.
Ino tinda nando.

Ngele oto pulwa wu ninge sha shoka itoo vulu nenge inoo hala okushininga, owa manguluka okutya ‘ahorita’. 
“Okwaa popya meukililo oshi na sha nokwaahena einekelomwene,” osho Patricia Gallardo Arias, omunawino muunongo wiigwana moYuniveisti yopashigwana yi ithikamena ya Mexiko a ti. “Kombinga yaMexiko, otashi vulika shika shi na sha neyugeko oshowo nonkalo yopapolitika” Shika otashi monika unene moMexiko City shoka tashi adhika mokati kiitopolwa yaaNahua, mbyoka oyo omutima golukalwapangelo lwaAztec.

“Okuza tuu petameko lyuukoloni, aaNahua mboka oyo oyendji momwaalu mondingandinga yaSpania Epe oya li ye na omikalo dha kitakana dhokupopithathana nesimanekathano oshowo okuningila mo, ndhoka dha taambekathanwa noku thika wo kuMexiko kohi yaaSpania” Luis Fernando Lara, omuprofessori momalaka moYunivesiti yopashigwana ya Mexiko a ti . Shoka wo shi iwetikile ooshika kutya otuna iitya omayovi nomayovi yelaka lyaNahua tayi adhika melaka lyoshiSpania.

Nena elaka ndika lyoshiNahua ohali popiwa natango konyala kaantu 1,5 omilliona mo Mesoamerica – noyendji yaapopi yalyo oya kala natango momudhingoloko gwiikulundundu muumbugantu woshilando Mexiko. Aantu mbaka oyo oyendji moshitopolwa shomayakulo nomalanditho moshilando Mexiko.

Kakele kokugandja iitya ngaashi tomato (tomatl), chocolate (xocolatl), chilli (cilli) na avocado (ahuakatl), oshiNahuat oshina omutonowi oshowo epopitho lya kwatelamo esimaneko , kashi na mbudhi kutya ethimbo lini noshowo monkalo yini. Moku kupika ko iitya kiitya popitho to ningi omayooloko muukokele, momimvo dhevalo, momuthika gonkalathano oshowo oku ulika eiyuvo lyoye lyohole kwaamboka to popitha.

‘Uuyelele owa thiki ngiini momeho goye ongula yonena ? oomuka ashike tse hatu ipendula momukalo nguka.
“Oshiholelwa shaNahua moshiSpania shomoMexiko epopitho lyongula ndyoka hali ti owa tendwa ngiini [ ano olye ku tendele ngiini [eluwa]? Melaka lyoshiNahua, epulo oondika kutya Uuyelele owe ya ngiini momeho goye ongula ndjika yonena? Oomuka, ashike tse hatu popithathana pamuhingo nguka” Diego Robles, omutoti guuteyo nomwiilongi gwelaka lyoNahuat a ti.

Miigwana yimwe yaavalelwamo , mwakwatelwa wo naaNahua, ngele to popitha omuntu inoo mu tala momeho osho endhindhiliko lyesimaneko, omanga uuna wa popitha omuntu we mu tala momeho uule wethimbo ele unene tuu pokati kaalumentu yaali osho endhindhiliko lyuuhahu.
Oku ningwa nayi kwaavalelwa mo uule womimvo odhindji oko oshinima ihaashi popiwa muule moMexiko City. Enwethemo lyomonakuziwa natango otali monika momutungilo gwopankalathano oshowo momikalo dhokupopithathana. Moompito dhimwe shika osha holoka oshoka aantu inaya hala okupiyaganeka elandulathano ndyoka lili po moshilongo oshoka ka ye na einekelo mepangelo. Okupopitha nawa moMexiko City oko omukalo gwokutula po ongamba pokati komuntu ngoye nuuyuni wopondje nenge naamboka waa he shi.Shika osha kwatakanithwa wo nehalo lyokwa uvitha nando ogumwe na yi. Oshiholelwa ngele owa pula omuntu e ku pukulule moMexiko City oto ki iyadha to dhiingoloka noshilando ashihe mbali lwaali molwashoka ashike naku kupukulula inaa hala okupopya oshili kutya ehala mpoka to pukululwa keli shi nando nando.

Oshikwawo uuna to longitha otaxi oshiwanawa wu popithe nawa noku ulika esimaneko nena oto ka tyapula olweendo lwoye na otashi vulika waaha fute wo oshindji.Ngele owa tameke to popi kutya owa hala okuya peni nowaana esimaneko nena oto ki idhenga mekuma lyoku kala inoo pandulwa noku uvitilwa nayi kuna ku ku yakula. Oshiholelwa ngele ino popitha olundji lundji nena, oto tali kako ongo wi yuvite uuhona nenge waana omikalo nenge wi ishi wi ihole mwene na oto talika inoo fa oonakuyugako.  

Itashi ti kutya ayehe moMexico City kehe gumwe ohi imemeha kuza kokutsi kumwe sigo oko ku kwawo’. Ndele ongo shimwe shiilando iinenenene muuyuni shi na wo omashongo gasho taga zi muuwindji waakali mo[ngaashi omiyonena, ompumbwe yomeya, uulingilingi nuuwindji wiihauto], aataleli po oyendji ohaya ti uuwanawa oomboka kutya muka aantu oyena ethimbo okupopithathana nawa. Ohaya kwathele okukaleka oshilando shi li nawa. Osha simana moshilando sha tungilwa komukanka gwetale ekulukulu, shoka shina oombinga dhasho dhimwe tadhi ningine noocentimeta 20 omumvo kehe.

“Ngiika omwiityo kutya ‘evundakano lya longekidhwa” ogo omukalo okutomona onkalamwenyo moMexiko City,” Lara a ti “Okuyeleka nando oniilando ngaashi São Paulo nenge Lima, onkalo yelandulathano mokati kaa ayihe ota shi kumitha”

Konyala ethimbo lyomimvo mbali ndyoka nda kala moMexiko City , ondi ilongo kutya okukala aluhe omunamikalo omiwanawa oko uunkulungu. Kehe gumwe ote shi longo muukumwe mokati konkalo ya kehe ta kambadhala okumwenya monkalo ye. Ngame ogumwe ashike mokati koomilliona. No ihandi thigipo nando ompito okupopitha nokuhalela omuntu ndaahe mu shi esiku ewanwa nenge okupandula unene omuntu gwontumba molwuuwanawa mboka a ningile ndje, kutya nguka onde mu futu mokushilongela ndje.

LEAVE A REPLY

Please enter your comment!
Please enter your name here