Na ku vala a tindila oyana kosikola

0
1502

Loide Jason

OTJOMIRUNGA-Kansela Andreas Shitama moshikandjohogololo Ruacana okwi itsike omutenge okumonena aanona yaali osikola.Otaku tiwa mbaka ina ya, sikola nando nkene ya valelwe kaakuluntu .Shitama okwa kutha etokolo ndika konima yokuuva kutya moshikandjo she omuna omuvali a tinda okutuma oyana yaali kenongelo molwa omatompelo ganathangwa.

Shika okwe shi tokola noku shi uvaneka konima yokulombwela omukulukadhi omugundjuka oshiwike shika kutya na kale a monena yaali yomoyana yatano ehala osikola.

Omuvali nguka omvalele yAngola okwa ti okwa kaleka oyana mbaka yaali pevi oshoka anuwa ke na iimaliwa okuya landela omizalo dhosikola na ishewe gumwe gwomwaambaka yaali okwa pumbwa osikola y molwashoka okuna uulema womomadhiladhilo.

Ihe nando Clemencia Mukulungwa okwa popi omatompelo ngoka Kansela Shitama ine ga taambako ongo ge na omungo nokwa lombwele omuvali nguka opo a konge ombapila ndjoka tayi mu popile kutya kena iimaliwa okulanda omizalo dhosikola, opo a vule okumonena oyana osikola.
Omukalimo moshikandjo sha Ruacana a gama ondoolopa ndjika kuuninginino wayo oshinano shookilometa 70 okwa ti okwa vala aanona yatano, ihe okwa tuma ashike yatatu yomuyo kenongelo omanga yaali inaa ya enda nando omungulu yosikola hela ya valwa anuwa.
Okwa lombwele oshikundaneki shika kutya aanona mboka yaali oyena okukala ashike megumbo opo a yande okugandja okashona ke hoka ha mono ngele a landitha.

Mukulungwa okwa kaleke Penale Paulus gwomimvo omulongo 15 noshowo Ipinge Paulus gwomimvo omugoyi pevi.Mbaka sho ya popiwa nayo kuKundana oyali ya hokolola kutya inaya enda nale osikola hela ya valwa na ka ye shi kutya osikola oshike.Aanona yaMukulungwa ayehe aaNamibia oshoka he omuNamibia, naambaka oye na uuthemba waNamibia.

Kansela Shitama ina nyanyukilwa onkalo ndjika, a ti ke lwete omatompelo gaMukulungwa gena oonkoondo dho ku indika aanona mbaka kosikola.Okwe mu fatululile nawa kutya ndika olyo eyo moshipala lyuuthemba wuunona, oku wu tindila elongo na okwa hala mbaka yakale ya ya mosikola mbala ngaashi tashi vulika.

“ Ka kuna okanona okaNamibia taka kala pevi nande keli mepipi lyokuya kosikola yaanona.Onkee onde ku pa ashike omasiku gaali wu kale wa mona ombapila yepopilo kutya ito vulu kulanda oondalaha dhaanona opo aanona mbaka ya kale ya ya mosikola,” osho Shitama a a lombwele Mukulungwa.

Mukulungwa ngoka ali ta yolo sho kansela te mu pula omapulo omolwaanona mbaka ihaa ya yi kosikola konima yethimbo okwa li a lotele eta hokolola kutya gumwe gwomaanona mboka okwa pumbwa kosikola yaanona mboka aayambidhidhwa pamadhiladhilo.
Ihe shika Shitama okwa ti nasho wo kashishi etompelo li na oonkondo oshoka epangelo olya tula po nale oosikola ndhoka dhi na sha naanona mboka aakwathelwa.

LEAVE A REPLY

Please enter your comment!
Please enter your name here