Okugamena uuthemba waakiintu muAfrika

0
30

KuAshwanee Budoo

Ehangano lyUukumwe waAFRIKA olya katu oonkatu odhindji oku ulika kutya lyo olyi itula mo okukutha po okwaana uuyuki taku ningilwa aakiintu muAfrika. Oonkambadhala dhopopepi naandhika odho oshigongi sha ningilwe omasiku gapiti komeho goshigongi oshinene shoAU shoka tashi ka ningwa nale nuumvo oku ulika kutya enenevi ndika olina shili onkwa nuuthike pamwe wuukashike ko muntu.

Iiholelwa yilwe yoonkatu ndhoka dha ningwa okugamena uuthemba waakiintu odha kwatela mo omimvo Omulongo dhaakiintu aAfrika [ 2010-2020], etulo miilonga lyomulandu gwoAU guuthike pamwe wuukakwashike komuntu oshowo okudhika po oshiketha shoomeme aaAfrika. AU okwa igidhile wo kutya omumv 2016 ogwo omumvo guuthemba womuntu gwa konenena uuthemba waakiintu.

Omimvo 15 dha piti AU okwa ziminine euvathano lyomoMaputo kohi yeuvathano lyAfrika kombinga yUuthemba womuntu, okukoleka egameno lyaakiintu. Etulo miilonga lyeuvathano ndika olya li li na okutalelwa komeho koKommissi yAfrika yuuthemba womuntu, olutu luuthemba womuntu lya dhikwa po pamautho goCharter yaAfrika. Oshinima shika oshali sha nuninwa okutonatelwa komulopoti gowina kombinga yUuthemba waakiintu muAfrika.

Nonando euvathano ndika olya ziminwa, eyonagolu lyuuthemba waakiintu onkene tali tsikile koombinga adhihe dhenenevi. Omusholondondo omule. Ihe omiyonena odhindji ndhoka tadhi ningilwa aakiintu odha kwatela mo, elongitho lyoonkondo lya ukithwa maakiintu, okuhokanitha aanona aashona, okutongola aantu shi ikwatelela kuushike womuntu, oshowo omikalo dhehepeko lyaaselekadhi. Omatompelo gomahepeko ngaka oga yooloka okuza koohedhi dhi ili, komithigululwakalo dhi ili, kokwaahena owino, kokwaahena elongo osho wo okumwenya moshigwana moka aalumentu oyo ya simana naaningi yomatokolo.

Eshongo oondika kutya omautho geuvathano ndika sigo oompaka ogo owala iitya ya nyolwa mombapila. Shika oshi li ngaaka oshoka okulonga kwalyo okwa thininikwa kuunkundi wokutalela osho wo wokukonakona iilonga yeuvathano ndi.
Ihe nando ongeyi opena ondjila okupotokonona uupyakadhi mbuka, mokudhika po olutu ndoka iilonga yalwo tayi kala andola ashike yokugamena uuthemba waakiintu. Ndele nee shika otashi pula ehalo lyopapolitika okushininga neitulemo okugandja iimaliwa ya pumbiwa opo olutu nduka lu thikamekwe po.

Ethikilo lyuuthemba waakiintu
Euvathano okwa li lya talika ko ongo ethikilo megameno lyuuthemba waakiintu muAfrika.Oshinyolwa shika oshi uvitike oshoka osha kwatelamo omautho ngoka taga shonopeke eyonagulo lyuuthemba womukiintu.
Omautho geuvathano gamwe ngoka omape nogoonkondo oga kwatela mo oku indika eyonagulo lyiilyo yaakiintu nehokanitho lyaanona aashona, uuthemba woku kutha mo omapunda moompito dhontumba, oshinakugwanithwa okugeeyela mboka ya pogola mokulongitha oonkondo dhawo ye dhi ukitha maakiintu oshowo okugandja iimaliwa kiilongadhalwa ya nuninwa okutula miilonga egamenenopo lyuuthemba woomeme.
Ngele ndika oli tulwe miilonga, euvathano lyomoMaputo otali ka soshimpwiyu kutya uuthemba waakiintu owa ninga woshili. Ndele nee omapangelo niilongo ita ya ningi/ nenge longo sha gwana. Na iha ya talwa nomeho omanene molwashoka inaa ya adha iilalakanenwa mbika.
Okommissi yAfrika ndjoka oyo olutu olutaleli, oya kambadhala okulonga oshinakugwanithwa shayo. Oshiholelwa euvathano ndika ohali talika uuna iilongo ya gandja oolopota dhayo kombinga yalyo.Omugandjimulombo gowina okwa tegelelwa wo opo a ninge oonkambadhala okuhokitha iilongo omautho geuvathano ndika.
Uupyakadhi owu li mpoka sho Okommissi ndjika yi ipyakidhila unene noku endela pamwe nethimbo nuuthemba auhe waantu mboka wa nyolwa moaAfrican Charter.

Otandi thaneke kutya opo omathaneko gomeuvathano lya Maputo ga tulwe miilonga opwa pumbiwa okudhikwa olutu lulwe ndoka talu kala ashike noshinakugwanithwa shokutula miilonga euvathano ndika. Oshiholelwa nkene olutu nduka talu longo otashi monikila molutu ndoka lu na sha nuuthemba waanona.Aanona oya gamenwa ko African Children’s Charter. Yo oKommitee yaanawino aaAfrika oyo hayi talele etulo miilonga lyoAfrican Children’s Charter. Aakiintu nayo oya pumbwa egameno lya tya ngeyika.

Olutu lwi ili lwa tala ashike oshinima shuuthemba waakiintu olwa pumbiwa. Otalu vulu oku nwethwa mo kokommittee yaanona ndjoka ya katuka oonkatu odhindji okuza kesiku ya totwa mwakwatelwa okuninga omapekapeko gashewa, okutula miilonga ookomenda dhakwaalukehe, noshowo omalupita hayi tala oolopota dhiilongo kombinga yetulo miilonga lyoAfrican Children’s Charter.

Okudhika po olutu olupe otashi ka kondjithwa. Etompelo kutya euvathano lya Maputo olya taambiwako otashi ulike kutya aangongi po yalyo kaya li ya hala opo oshinyolwa shika shikale tashi ileshelwa. Otashi vulika ndika olyo li kale etompelo okukondjitha edhiko po lyolutu lwi ithikamena okutala etulo miilonga lyeuvathano lyokoMaputo, molwashoka ndika otali tulwa miilonga kohi yoKommissi yaAfrika.

Ihe euvathano ndika olyi ithikamena olyo alike no inaali ikwatelela komautho goCharter. Ondjila yilwe otayi kala okunkondopeka omukalo ngoka gu li po ngashingeyi okuyeleka nokudhika po ishewe olutu lwi ithikamena. Ndele okukoleka omikalo ndhoka dhi li po itashi ka longa nawa nokuyeleka okudhika po olutu lwi ithikamena talu longo ashike kombinga yoshinima shika.

Molwashoka Okommissi yAfrika oyi na iinakugwanithwa yilwe , okudhika po olutu olupe otashi mangulula oKommissi yAfrika kombinga yoshinakugwanithwa shayo moshinima shuuthemba waakiintu, noku yi pitika yi longithe oonzo dhayo okufala komeho uuthemba waantu ayehe.

Eeno oshoshili , oonzo otashi vulika dhi kale odho oshiyimbi oshinene tashi kateke edhiko po lyolutu luuthemba waakiintu aaAfrika.Kutya nee shika oshina ondilo nenge ahawe, Afrika ita vulu nando okufadhuka po esimano lyuuthemba waakiintu muuyuni wonena. AU okuna oku kumikwa opo iitule mo mokugongela oshimaliwa okutala kutya uuthemba mboka owa gamenwa lela. Omaigidho, iigongi nomauvathano otaga kala osima yowala ngele AU ina eta po elunduluko li iwetikile momulandu gwongashingeyi okumona kutya uuthemba waakiintu owa ninga woshili.

Ashwanee Budoo
Oye omuwiliki gwoprojeka yoLLM/MPhil muuthemba womuntu noku eta uudemokoli muAfrika Human Rights and Democratisation in Africa programme mEndiki lyuuthemba wOmuntu, moyUnivesiti yaPretoria

LEAVE A REPLY

Please enter your comment!
Please enter your name here