Oprojeka yomwiidi wolusiana otai ende nawa moLüderitz

0
46

Tuulikki Abraham

Lüderitz-Oprojeka yokukuna olusiana, oyo ya hovelwa kovakwashiwana vomoLüderitz, otai xumu nawa komesho.
Kansela woshikandjohoololwa sha!Nami#nus Jan Scholtz eshi a talela po oshikunino eshi omafiku aa, okwa ulika pandula oilonga oyo ta ilongwa keengudu mbali odo de li manga kumwe, moLüderitz, no ve li tula mo mokulonga ounamapya.

Scholtz, okwa kumike oshiwana shi li tule mo mounamapya, opo ku yambulwe po ouxupilo woshilongo. Okwa udaneka ombelewa ya ye tai ka yambidida ovo ta ve li tula mo mounamapya moshikandjohoololwa shaye.

Okwa pandula unene eengudu edi e shi de li tula mo mokukuna omwiidi wolusiana, monhele younene wee hekta dili nhee, odo opo ashike da yandjelwe kuvo muMaalitsa 2016.

Okwa ti ombelewa ya ye melongelo kumwe nombelewa yelelo lodoolopa ya Lüderitz oya yandja onhele younhene wee hekta 10 ili oko kuna ondama yohanya.

Okwa tumbula kutya edu olo ola konwaakonwa ko vanambelewa okudilila kouMinisteli wOunamapya, no va holola kutya olo otali dulu okukunwa omaludi oikwambidi mahapu.

Elelo loshitopolwa sha //Karas ola tula odalate , nominhino yokutekela monhele younene wee hekta dili nhee oyo ya kunwa omwiidi woluciana, nomafiku a djako, ovakwashiwana ovo tava longo po projeka ei ova teya olusiana oshikando oshititatu, okudja eshi va teyele oshikando shotete okuya lwopexulilo, la Novemba 2017.

Omukwatelikomesho moprojeka oyo Matheus Joseph, ota ti, ei otai endenawa, nova hovela okulandifa oikulya yoinamwenyo ei ko va nafaalama ovo vena oimuna yavo vomoAus nosho yo poushiinda.

Onhele oyo ya hupapo younene wee hecta 6, Scholtz okwa ti , opena ovakwashiwana vamwe vakwatafana nombelewa yaye va yandja omafaneko oku ka longa ounamapya monhele oyo.

Ashike okwe va kumike opo, ovo vena omafaneko oku ka longa ounamapya monhele omo ve shininge nondjungu, nongeenge opena umwe natango ena ohokwe younamapya, moshikandjohoololwa sha !Nami#nus, na kwatafane nombelewa ya Kansela Scholtz .

Scholtz okwe va dimbulukifa kutya, edu opo lili, omeva okutekela oimeno opo eli, onghene ovo vena ehalo lokulonga na va kwatafane nombelewa yaye, opo ombelewa ya ye i ninge omalongekido okutula onhele oyo, modalate, noku tula mo ominino yokutekela, ngaashi ya ninga, monhele oyo younene wee hecta nee odo da kunwa olusiana.

LEAVE A REPLY

Please enter your comment!
Please enter your name here