Uusiku wokuimba wa galukile moshilando

0
30

Pinehas Nakaziko

WINDHOEK-Konima sho omayinyanyudho gUusiku wokuimba (Song Night) wali wa yi molweendo lwokunyanyudha aakwashigwana mboka ye shi gamena komunkulofuta, aalongekidhi yomainyanyudho ngaka oya tseyitha kutya oSong Night otayi ka kala ya galukila moshilando omwedhi tu uka.

Omuimbi omukiintu ngoka a sindana omakopi ogendji moshituthi shoku gandja omapapa kaahikingalo dhingi aaNamibia (NAMAs), Lize Ehlers oye omukwateli komeho gwoSong Night, nokwa ti omayinyanudho ngaka otaga ka tsikila nopolohama yawo ndjoka yoku imba moWindhoek mu Febuluali.

Okwa tseyitha ishewe a ti aayimbi ayehe mboka yeli moWindhoek otaya ka kala ya mona egaluko lyomayinyanyudho ngaka ga kwata miiti ta ga ka ningwa moomwedhi Febuluali, Apiilili, Juni, Agusite naKotoba nuumvo.

Ehlers okwa gwedha po ishewe ta ti uusiku mbuka woku imba itawu ka ningilwa we poWarehouse Theater ngaashi sha kala omukalo ndjigilile, ashike oya mona po ehala epe mpoka taya ka ningila omayinyanyudho gawo lyoImagine Games Café moAusspannplatz. Ndyoka lili pamuthika gwopombanda.

Aayimbi mboka taya ka kuthombinga moSong Night nuumvo otaya ka ningilwa okatutsu okashona moka tamu ka hogololwa aaimbi aashona mboka taya ka kala nokunyanyudha uule womvula ayihe.

Ehlers okwa pandula ishewe ehangano lyoFNB Namibia Holdings Foundation Trust sho lya kala noku ya yambidhidha uule woomvula heyali, noodola dhaNamibia 70 000.

O Song Night ehangano ndyoka hali gandja ompito ombwaanawa kaahikngalo yaNamibia opo ya ulike uunongo wawo, noku humitha oshitalenti shawo pamuthika gwopombanda. Oya totelwepo mo 2011, noya kala nokuhuma komeho uule woomvula adhihe ndhoka.

LEAVE A REPLY

Please enter your comment!
Please enter your name here