Young Chiefs momadhewo ga kwata miiti

0
37

Shipi Elago

Osipana yoYoung Chiefs oyi ipyakidhila noonkondo nomaidheulo osho wo omaudhano gopambili opo yi ka vule okusindana omaudhano gayo ngoka ga hupa ko moliha yopombanda moshilongo.

Osipana ndjika oyo awike ya ka lela po iitopolwa yokoNooli moliha yoPremier League oyi li monkalo yoshiponga nongele ina yi itula mo otayi ka umba katuka po pehulilo lyomumvo guuudhano mbuka womumvo 2017/2018..

Ehuliloshiwike lya zi ko Young Chiefs okwa li a gongele aamati mboka aape noku ya pa omaudhano gopambili noosipana dhomoshitopolwa opo a tale ngele ota kutha mo aamati ya ka wayimine aadhani aakulu opo ya ka kuthe osipana ndjika menono moka ya dhamene okuza nga sho oliha ndjika ya li ya tameke sigo okeluwa ndi.

Sho twa li twa yi moonkundathana nomudhewuli gwayo Alex Iitumba okwa li a holola kutya aamati oyendji mboka ya etamo oye ya kutha mosipana yaamati ye li kohi yomimvo 20 ndjoka ha yi dhana mekopi lyo The Namibian Cup na owundji owu li uugundjuka lela.
Okwati ota ya kambadhala oku ya upika opo ya tale ngele kemanya ngele ota kuzi nga otsi.

“Aamati mbaka ayehe oya enda meeAcademy onkene ka shi shi oshi dhigu kutse oku ya pa oma lombwelo nkene yena oku dhana oshoka oya za nale notseyo keeAcademy hoka ya yambukile onkene ota tu ya pe owala otseyo ya nkene oPremier League yina oku dhanwa,”Alex tati.
Young Chiefs okwa li a yi momadhewo nosipana yoAfrica Motto osoondaha ya yi na ota tsikile noku dhana omaudhano gopambili ehuliloshiwike ndika nelalakano oku upika osipana opo yi kale yi na eememo naasho oliha tayi ka tameka ayihe oyi li pomahala.

YoungChiefs oku na uudhano wumwe meke naRundu Chiefs mOshakati mehuliuloshiwike tali ya na oya pumbwa opo ya sindane po uudhanbo mbuka opo ya yumudhe po ondjodhi yaw yo ku kala moliha yopombanda moshilongo.

Young Chiefs okwa li a lu ondende medhingoloko lyotango moka a li iizile mo ina sindana nando owo uudhano wumwe na oku li mo ka kololo koosipana ndhoka dhi li po ku gwa mo moliha.

Ashike Alex okwa li a gandja etumwalaka kaayambidhidhi yosipana kutya ina ya teka omukumo oshoka ota ya ka ninga ashihe shoka ta ya vulu opo ya kaleke osipana moliha.

“Otashi ka kala ohoni onene ngele Young Chiefs okwa gumo moliha oshoka shika ota shi ti oNooli yoshi longo ita yi ka mona manga uudhano woliha yo pombanda ta yi dhanwa mOshakati naashika ka shi shi ethano ewaanawa unene tu oku tala komwaalu gwaakalimo yomiitopolwa mbika,” Alex tati.

Konima yokudhana na Rundu Chiefs Young Chiefs ota ka taalela olugodhi olululu sho taka ya kOaheke opo a ka dhane nokasipana hoka opo keya moliha Young African hoka ke li ta ka tyakaleke oosipana oonene omanga ina ya dhana naAfrican Stars mosoondahaha muudhano mboka wa tengenekwa wu ka kaleko mehuliloshiwike lyo 17-18 Febuluali.

African Stars natango oye eli pombanda yoliha ndjika na ina dhengwa natango omanga Rundu Chiefs, Young Chiefs na Chiefs Santos oyotaya etelele okano pevi lyoliha ndjika na oya pumbwa oku kutha ko oongaku oshoka ngele hasho nena oyena okugwa mo moliha sho ta yi ka thika pehuulilo.

LEAVE A REPLY

Please enter your comment!
Please enter your name here