NSC a talele po iitopolwa 13 ta tseyitha uudhano uupe

0
32

Shipi Elago

Ongwediva-Oluhwati olupe ohalu kombo nawa, shika osha hololwa kiilonga nomalunduluko ga etwa komunambelewa omupe gwokomisi yomaudhano, Freddy Mwiya.

Mwiya opo a li a ulikwa omuvo gwayi onga omunambelewa omukuluntu okunana okomisi yomaudhano moNamibia (Namibia Sport Commission).
Okommissi ndjika otayi eta po elunduluko momaudhano moshilongo na limwe lyomwaangaka olyo etote po lyehwata lyuudhano wopashigwana mboka inaa wu dhanwa nando onale moshilongo wa longekidhwa komuwiliki gwomaudhano.

Osheendo shoKommissi yomaudhano osha ningi esiku ta shi talele po iitopolwa 13 moshilongo opo shi tseyithile oongoloneya naayehe ya gumwa komaudhano, uudhano mboka tawu ka kala ko nuumvo.
Pethimbo twa nkundathana na Mwiya, okwa holola kutya otaya ka eta pamwe iitopolwa ya yooloka moshilongo moka ta yi ka kutha ombinga momaudhano ga yooloka pethimbo limwe.

Uudhano mboka tawu ka ithanawa National Championship otawu ka etelela uudhanano ngaashi Etanga lyo koompadhi, Netball, Basketball, Volleyball, Athletics, Gymnastic, Judo Swimming, Boxing, Tennis , Rugby, Cricket no Hockey.

Mwiya molweendo nduka oya kundathana nkene uudhano mbuka wu na oku enda nokutseyithila wo Oongoloneya mboka ta ya ka tuma oosipana dhiitopolwa yawo komathigathano ngaka gopashigwana.Okwa ti Oongoloneya oye ya kwashilipaleka kutya ota ya ka tuma oosipana dhi itopolwa dha pama na ota ya yambidhidha edhiladhilo ndika noopelesendanda nomittima adhihe.

Iitopolwa oya tegelelwa opo yi ka kuthe ombinga momaludhi guudhano mboka wu li moshitopolwa shawo na ita shi ka dhengela ngele oshitopolwa ka shina osipana ta yi kutha ombinga moludhi luudhano wontumba ngele iha wu dhanwa mo moshitopolwa shoka.
Okwa ti okwa tegelela uudhano mbuka wu ka tameke mu Mai onumvo moWindhoek.

Mwiya okwa ti aanyasha aaNamibia oya pumbwa omathigathano goludhi nduka opo sho ta ya ka kutha ombinga momathigathano gatya ngaaka pondje yoshilongo oye na nale ontseyo ya gwana na otaya vulu okuyelula epandela lya Namibia mokati kiigwana.

Oku uvite kutya iitopolwa oyindji moshilongo ota yi ka kala yi na uudhigu oku kutha ombinga momawudhano gwontumba ashike ndjika ompito wo ombwaanawa yo ku tsika omaudhano ngaka noshilongo ashihe oshoka aadhani yamwe ota ya ka za ko ye na ohokwe yo ku tota omaludhi guudhano mboka we ya fuula wo kaa wu mo moshitopolwa shawo ashoka oyena omopito yo ku tala ooyakwawo mboka yena uudhano mbuka ta yadhana.

Iitopolwa mbyoka ya tegelelwa yi ka kuthe konyala ombinga momaludhi guudhano awuhe tawu tulwa poshitaafula ongaashi Khomas, Erongo, noOtjozondjupa. Iitopolwa yilwe mbyoka ihaa yi dhana omaudhano Gymnastic, Judo, Swimming,Hockey, Tennis, noshowo oCricket oombyoka unene yak ala konima nale.

Iitopolwa oyindji moshilongo iha yi dhana uudhano mbuka molwa omukundu gwiikwaniipangitho nosho wo aadhewuli mboka yena otseyo yuudhano mbuka mboka ya pumba unene tuu kiitopolwa yokooha dhoshilongo.

Uudhano mbuka owa tegelelwa wu ka dhanwe pethimbo limwe Mwiya te wu yeleke naana ngaashi uudhano wekopi lyoshifo shoThe Namibian Ashike okwa ti mbuka ota wu ka kala wuna omahwata guudhano wa yooloka ta wu dhanwa pethimbo limwe.

LEAVE A REPLY

Please enter your comment!
Please enter your name here