Okutula omagadhi goombeke momafufu kwe ya ishewe momoode…..Oosalona naalandithi yomafufu goBraziliena taya li li ookastoma dhapumba

0
230

Komutoolinkundana

Ovenduka-Aakadhona aaAfrika naakiintu yomenenevi ndika inaya hala we okumonika yafa uutana wamukwaya nenge aakiintu yiilumbu ye na omafufu gu ukilila. Omatompelo kutya omolwashike aakiintu aaAfrika taya shuna mokukala ye na omafufu gawo giigonya nenge ngaashi gashitwa otaku tiwa ogopapolitika, pankalathano noshowo pamahupilo.
Ngashingeyi oomeme Aafrika oya mona kutya omukulukadhi nenge omukadhona a ‘putuka nenge ahuma komeho’ ita shi ti kutya omukulukadhi ngoka e na omafufu gapeemwa, galilekswa, nenge ga tulwa omaBraziliana kaa. Oya ti, ‘aawo, nima yanima owu uviteko, ita shi ti ninga omafufu goye ga fe gaakiintu yiilumbu nenge goombastela, nando. Kala owala nomafufu goye ngaashi Kalunga e ku shita.’

Aakadhona aaAfrika naakiintu yomenenevi ndika inaya hala we okumonika yafa uutana wamukwaya nenge aakiintu yiilumbu ye na omafufu gu ukilila. Omatompelo kutya omolwashike aakiintu aaAfrika taya shuna mokukala ye na omafufu gawo giigonya nenge ngaashi gashitwa otaku tiwa ogopapolitika, pankalathano noshowo pamahupilo.

Ngashingeyi oomeme Aafrika oya mona kutya omukulukadhi nenge omukadhona a ‘putuka nenge ahuma komeho’ ita shi ti kutya omukulukadhi ngoka e na omafufu gapeemwa, galilekswa, nenge ga tulwa omaBraziliana kaa. Oya ti, ‘aawo, nima yanima owu uviteko, ita shi ti ninga omafufu goye ga fe gaakiintu yiilumbu nenge goombastela, nando. Kala owala nomafufu goye ngaashi Kalunga e ku shita.’
Omafufu gopaushitwe ogo oshinima sha galukila momoode ngashingeyi miilongo oyindji yAfrika. Okuza koBotswana, South Africa sigo Ghana na Nigeria. Namibia na ye ina thigala po moshinima shika. Aakiintu oya vulwa omafufu goBraziliana go oge na ondilo nenge okutulwa olileksa nopeema momafufu gawo.

Ngaashi ashike moNamibia ooyene yoongeshefa dhoosalona muAfrika ndhoka hadhi peema, hadhi tula aanamafufu oosteila dhilwe noshowo okuhondjela ko omafufu goshiEuropa oye na uudhigu oku mona aayakulwa oyendji taya talele po oosalona dhawo.

Ooyene yoosalona naamboka haya landitha omafufu goopelesenda 100 goBraziliana niilongomwa yimwe yomomafufu otaya mono iihuna nokulila oshoka ka ye na we aalandi. Aakiintu Aafrika ina ya hala we okutula iilongomwa yoRevlon na yilwe yi na ookemikala momafufu gawo.Ngashingeyi yo oya hala iilongomwa yopaushitwe ngaashi omagadhi goombeke niilongomwa yilwe yaana ookemikalia.
“Otushishi shoka hatu tula momafufu nomomitse dhetu,” Zodidi Gaseb omunangeshefa gwiilongomwa yopaushitwe yomomafufu gaakiintu
Aafrika a ti. Ongeshefa ye, African Naturals, oyi li moWindhoek.

Omwoopaleki gwomafufu posalona moGrove Mall okwa ti konyala omimvo ndatu dha piti oya tsakeneke aakiintu oyendji haya talele po osalona yawo taya indile opo ya tulwe iilongomwa mbyoka tayi kaleke omafufu gawo ge li paushitwe go ishewe oge na uukolele.
Omukalo nguka ogwa kwatelamo okulongitha ookemikala ooshona niilongomwa yilwe yaashi yopaushitwe, ndele nee okukonga iilongomwa yopaushitwe. “Aayakulwa mboka yahala okutulwa olileksa momitse dhawo aashona, ngashingeyi aantu inaya hala omafufu gawo ga ehamekwe we’ omuninginawa gomafufu a ti.

Oshina wo ombiliha okulongitha okilima, opeema nenge omafufu goBraziliana.Omuntu oto kala nokutalela po osalona kashona.Okugamena omafufu gawo oomeme oya hogolola oku ga panda okutulwa omafufu nenge okuzala omakenisa okugamena omafufu gawo gopaushitwe ngoka ya siikila.Ohaya kongo omikalo dhilwe omindjolowele okukaleka omafufu gawo nawa.

Ndele koomeme yamwe moNamibia no palwe muAfrika okukala nomafufu gopashitwe olyo eitumbulo papolitika. Otaya ti: Ngame omuluudhe, eeno omafufu gandje omafupi molwashoka ngaka inaga ukilila pashito lya go, ndele nee ngame omukiintu omwaanawa omuluudhe.’ MuGhana okukala nomafufu gopaushitwe oko okwi itumbula: Ngame omukiintu omuluudhe ndi iyuvite”

“Otandi ti onda kanitha konyala oopelesenda 50 dhaayakulwa yandje mboka ya hogolola okukala nomafufu gawo gopaushitwe” St Claire Adotey osho a lombwele BBC. “Shika osha guma unene ongeshefa yandje.”

Yamwe mboka haya longo nomafufu oya mona po omikalo omipe moku opaleka omafufu niilongomwa yopaushitwe. Aanduluki yokemikala ndhoka hadhi longithwa oku ukililitha omafufu na yo oya ehamekwa, sho itaa ya landitha we nawa iindulukomwa yawo, onkene oyendji yomuyo oya lundulukila mokunduluka iilongomwa yomafufu gopaushitwe.

Gaseb okwa ti omafufu gopashitwe kashishi omoode, ndele nee oku tseya ashike elunduluko mokukalamwenyo komuntu.Oshikwawo okutseya huka komafufu gopashitwe otaku longo omuntu a dhimbulukwe kutya omafufu gopashitwe ohaga koko. “Eshonopalo lyaayakulwa moosalona olye etwa sho ooyene yoosalona ye li konima nomikalo ndhoka taya yakula nadho aayakulwa yawo, ndhoka kadhi na uuwanawa nomafufu gopashitwe, ohaya longitha uupyu owindji, iilongomwa oyindji mbyoka yaa shi iiwanawa komafufu getu oshowo okwaa na ontseyo nkene taya kaleke omafufu getu monkalo yopashitwe. Aantu oyendji otaya longitha oInternet okwi ilonga yoyene nkene taya kaleke omafufu gawo paushitwe,” Gaseb a ti.

Na Akuyea Shika Pappoe oye gumwe gwaakiintu ngoka a thigipo ookemikala nokuhogolola omukalo gopashitwe.
Pappoe, ati ohashi hupitha wo ethimbo oshowo omalweendo gokosalona ga fupipala na ohaga ningwa ashike lumwe momwedhi, na ishewe omafufu gandje oge li nawa noshowo oga kola.

“Nuuna taku loko ihandi kala nomaipulo kutya omafufu gandje otaga tuta, oshoka ngaka ogandje gopashitwe.Ondi shishi nkene ndina okulonga nago” “Omvula itayi vulu okuga yonagula okuyeleka naangoka ga peemwa.

“Omafufu ngoka galilekswa nenge ga peemwa ohaga yonaguka nokukala ge endjelela nokuholoka gafa okadhila kalokwa nogakakatela komutse. Nomuntu owa thiminikwa wu shune kosalona ishewe opo ngaka ga ka opalekwe.

Eeno omafufu gopashitwe nago oge na omashongo ga go ngaashi ndyoka lyokukamula omuntu to luluma uuna ngaka ge na egamo lyuukwankalafufu. Oshowo ethimbo ndyoka hashi kwata opo ga kale go opala ngaashi oshisipili tashi popi.
Ihe kuAkua Djanie, a tseyika nawa Blakofe, omunyoli omuGhana oshowo omuwiliki gwopolohalama yoTV nomuwikili gopevi gwehangano Ghana Tourist Development Company, okutaamba omafufu gopashitwe kashishi omoode nenge omwiityo gopapolitika.

“Nguka omukalo gonkalamwenyo.Kalunga okwa shiti oludhi lu na omafufu goludhi lwatya ngaaka, onkene oshi li nawa okugataambako ngaashi ge li” osho a lombwele BBC.

LEAVE A REPLY

Please enter your comment!
Please enter your name here