SADC a ninga ondjokonona mekopi lyoCHAN – Asino

0
54

Shipi Elago

Ongwediva-Iilongo yokuumbugantu waAfrika mbyoka ya li ya kalele po oshitopolwa shika kethigathano lyoosipana dhopashigwana dhaAfrika dhaamati haya dhana mooliha dhomegumbo nuumvo oya li ye endele iigwana yaSADC nawa omutoloki gwomaudhano Hafeni Asino ta ti.
Asino okwa ti konima sho ethigathano ndika lya li lya totwa po iilongo yaSADC oya kala hayi lalekwa mo methigathano ndika medhingoloko lyotango, ashike nuumvo oya li ya kutha ko oongaku noku ya lwotango kedhingoloko etitatu lya hugunina ndyoka hali ithanwa (quarter final) oshinima shoka inaa shi ningwa nando onale mondjokonona yekopi ndika.

Zambia, Angola na Namibia ayehe oya li ya zi mo moongundu dhawo moka ya li ya tulwa ashike oya li ayehe ya lalekwamo muudhano mbuka moko “quarter final “ ya li ye na ashike onkatu yimwe oku ya kedhingoloko lya hugunina shika kuAsino osho esindano enene okuyelekanitha na nkene SADC a kala nokudhengwa olundji methigathano ndika.

Okwa ti ethigathano ndika olya fa ashike ndyoka hali dhanwa koosipana dhopashigwana oonene ashike ndika oli li mokalindeli ka CAF ongongahangano owiliki yetanga muAfrika omanga ekopi lyoosipana oonene li li kohi yokaliindeli kaFIFA ngoka oye omuwiliki gwetanga muuyuni.

“Omupya omunene iilongo mbyoka ya li ya kutha ombinga moCHAN ita yi ka mona oonkatu dha wo momusholondondo gwa FIFA dhi inyenga oshoka ethigathano ndika ina li yalulwa kuFIFA ashike pamusholondondo gwaAfrika owa tegelela opo iilongo yi ki inyenge moonkatu dhayo oshoka ethigathano ndika olya li ashike lya CAF na inali yama kuFIFA ,”Asino ta ti.
Okwa ti Namibia okwa tegelela opo eki inyenge oonkatu dhontumba okuya pombanda konima sho a li a sindana omaudhano gaali no ku dhana shithike pamwe lumwe muudhano mbuka.

Namibia okwa ulukile iilongo yilwe kutya okwa kala oshilongo shedhina Namibia hashi vulu okudhana etanga nando oyendji oya li ya tegelela oshilongo tashi ka kutha owala ombinga naashika ina shi ningwa oshoka Brave Warriors okwa li shili a dhana a manamo noku kumitha oyendji mboka ya li ye shi okalongo okashona.

“Oshinima ta shi yemateke mekopi ndika osho omwaalu gwaatali mboka ya li ya holoka okutala omaudhano, sho uudhano owundji wa li wa dhanwa muupale wu li owala naashika osha li ta shi limbilike ngele aaMorocco oya li tuu ya nyanyukilwa uudhano mbuka nenge oya li owala yi itula muudhano mboka wa li wu na osipana yawo, oshoka oyuulika efano ewinayi lyuudhano waAfrika kiigwana yilwe muuyuni,” Asino ta tsikileko.

Okwa ti Morocco okwa li ena oku li longitha uudhano mbuka oku ulika kutya aaMorocco aantu ye hole etanga na ota ya ka uudha uupale ngele oya pewa ompito yo ku edhilila ekopi lyuuyuni moshilongoi shawo mo 2026.

Ekopi lyoCHAN olya li lina oku dhanenwa moKenya ashike Kenya okwa li andopa oku longekidha egumbo lye pethimbo onkene ompito yoCHAN ya li ya pewa Morocco.

Egypt iha kutha ombinga mekopi ndika sho a holola kutya olyopamuthika omufupi onkene ina hala okutula aadhani ye moshiponga oshoka mbaka anuwa oha yadhana moliha yopondondo yombanda.

Ekopi ndika olya totwa li gandje ompito kaamati mboka haya dhana mooliha dhomegumbo ya mone ompito okudhana pondondo yopayigwana oshoka olwindji ihaya mono ompito dha tya ngaaka, ndhoka olwindji ha dhi kuthwa po kaadhani mboka haya dhana mooliha dhopondje.
Iigwana ya Europa nayo oya kutha ko oshiholelwa kuudhano mbuka konima sho nayo ya li ya toto po oliha yiilongo na otayi kala ashike ha yi dhanwa kaamati mboka haya dhana mooliha dhomiilongo yawo.

LEAVE A REPLY

Please enter your comment!
Please enter your name here