Ya nyengwa okukwathela egumbo tali fikwa kuwalye

0
509

Loide Jason

ONGWEDIVA-Mwene gwomukunda Ongwali moshikandjohogololo shaNesi okwa ti nonande omukunda gwe ogwi ilongekidha okukwathela egumbo ndyoka tali pi komulilo gwaashiwike, oye na uumbanda kutya pamwe iikwatha mbyoka taya gandja nayo ota yi ka pila mo ishewe.
Tuuliki Kaambu okwa popi ndhika sha landula epyopo iikando oyindji lyEgumbo lya Lydia Mwaetako. Egumbo ndika olya tamekele tali pi olwindji okuza muDesemba omumvo gwayi nokupya huka onkene taku tsikile.

Kaambu mwene gwOngwali okwa ti omukunda gwe ogu na okambo ka totwa oku kandulo po omaupyakadhi ngoka haga adha aanamukunda omalupita, ihe ngashingeyi anuwa oya nyengwa oku kwathela Mwaetako oshoka omakwatho ngoka ya gandjele nale nago woo oga pila mo.

“ Otu na okambo hoka twa tota opo tu vule oku kandula po omikundu dhomukunda gwetu moka kehe egumbo hali futu oondola omulongo 12 komweedhi , na omagumbo oge li mo 52 momukunda nguka” osho Kaambu a ti ngaaka.
Kaambu okwa li a pewa oshinakugwanithwa kelelo lyopamuthigululwakalo opo a tale nawa shoka sha ningwa po ye a vule oku fala omulombo ngoka.

Shoka tashi kumitha ooshoka kutya egumbo ndika olya tameke tango okupya oondunda kooyimwe opo nee odhindji odha landula ko.
Sho aniwa oondunda dha puko okupya omundilo nguka ogwa tameke oku fika oondunda dhiipeleki noshowo oongulu.
Ashike Hiskia Nuyoma ngoka oye omupopiliko gwezimo ndyoka okwati yo yene ota ya tengeneke kutya omundilo ngoka ogwa landula yina Mwaetako omunamimvo 97.

Nuyoma okwa popi ndhika kutya oya kambadhala olundji oku kutha mo yina megumbo ndele ngele okwa zimo a falwa nande okomagalikano nena megumbo esiku ndyoka ita mu pi nande nande.

“Esiku limwe otwali twa fala meme kegumbo lyomumwameme gumwe gwedhina Ismaeli Ipinge ihe egumbo ndyoka nalyo olya kala tali pi oondunda ngaashi ashike naanaa ndika lya meme tali pi,” osho Nuyoma a hokola ngaaka.
Ashike Nujoma okwa ti nonando oya haluka koshiningwanima shoka ka ye na nande uuyelele wothaathaa kutya omundilo ngoka ogu li we konima kulye.

Okwa ti nonande opuna omapyopyo ngaa mombepo gafa taga hokolola ngoka ta eta omundilo okwa ti yo ina ya hala okuopya omahokololo kaa ge na uumbangi wa sha.
“Tse otwi ikololela mOmumwa ngoka ihaa nyengwa kusha, oshoka kakuna shidhigu ihaa hulu . Onkee Omumwa oye ashike,” osho omupopiliko gwezimo.

Kundana sho a talele po ompile ndjoka okwa adha oondunda adhihe dha pya momagumbo ngaka gaali na ngashingeyi omundilo nguka ogwa tameka oku fika omakumbatha noku endulula oondunda ndhoka dhafa inaadhi pya nawa.
Sho Kundana a popi na Mwaetako okwa holola woo pauhupi kutya omundilo nguka ogwe mu halutha na ina mona nale omundilo gwo ludhi ndoka monkalamwenyo ye.

Ashike ezimo ndika olya pandula ombelewa ya kansela sho ya kwathele mokugandja iikulya sho ya tondoka onkugo ndjika.
Sho kansela Titus Kanyele a talele po efamilia ndika okwa ti ombelewa ye oya nyengwa okukwathela oshoka ngele ya gandja otenda mbaka ya lale mo nena otashi vulika nayo yi pye.

Ngashingeyi aantu ayehe kumwe 14 yomomagumbo gopaali otaya lala pondje sho oondunda aadhihe dha pipo.

LEAVE A REPLY

Please enter your comment!
Please enter your name here