Etalelopo lyomupersidende gwaBotswana moNamibia

0
39

Komutoolinkundana

OVENDUKA-Omupresidente gwaBotswana Leitenanda-Ndjayi Seretse Khama Ian Khama, okwa manitha etalelo po lye lyomasiku gaali moNamibia mEtitatu.Pethimbo lyetalelopo ndika Khama nOmupresidente Hage Geingob oya shaina euvathano lyookoongamba ndyoka lya ulika pwaana omalimbililo kutya oongamba dhiilongo mbika iyali odhili peni unene pokati koshitopolwa sha Zambezi naBotswana.

Minista yEgameno Penda ya Ndakolo okwa kwashilipaleke oshigwana kutya euvathano ndika lyopandjokonona otali hulitha po omaipumomumwe gokoongamba ngoka ethimbo limwe haga fala momaso gaakwashigwana. Onkalo ndjoka monakuziwa oya li ya etitha aakwashigwana ya Namibia ya yahwe okusa kiilyo yomatanga gaakwiita ya Botswana, ngoka haga fekele kutya ngiika aantu mboka oya li taya kambadhala okuyaha iinamwenyo miikunino yiinamwenyo muumbangalanu woshishiinda longo shokuuzilo. Botswana okuna omulandu gokuumba noku dhipaga kombinga yaa mboka kwa fekelwa taya kambadhala okuyaka iinamwenyo . Omulandu nguka ogwa uvitha nayi aakwashigwana ya Namibia mboka ya kugu onkugo kepangelo lyawo unene sha landula iiningwanima yomadhipago gaakwashigwana ngoka ga ningilwe olwindji momumvo 2015. Aakwashigwana oya li yewete kutya epangelo itali longo oshindji okuya gamena

Onkene, Namibia okwa katuka onkatu yoshimati oku kundathana oshinima shika na Botswana opo ya mone nkene taya tsu kumwe moshinima
shika okuyanda omaso gaaNamibia ya yahwa kaakwiita ya Botswana molwa okufekelwa kutya oyo aafuthi yiinamwenyo.

Khama okwa ti euvathano ndyoka lya shainwa okukoleka oongamba dhuukumwe nokulongela kumwe minima yokoongamba pokati kawo.
Monakuziwa, Khama okwa ti omanyenyeto kombinga yoongamba kolundume moshitopolwa sha Zambezi mpoka pena omahala ogendji gatuta.
“Ndele ka kwali ku shiwike nawa kiilongo mbika iyali kutya oongamba odhili naanaa peni mehala lya andjakana lyomilonga ndyoka. Sho osho twa koleke euvathano ndika neinekelo kutya shika otashi hulitha po omalimbililo ngoka noku ulika oongamba opo aantu mboka haya longele miitopolwa mbyoka oshowo omatanga gaa kwiita ga kale ge shi kutya oongamba odhili peni. Shoka oshinima shomonakuziwa ngashingeyi na otandi dhiladhila otwa katuka onkatu tu uka mondjila yomondjila,” Khama a ti.

“Kutse otu na einekelo kutya okuumbwa itaku kala po we nenge itaku ningwa we oshoka otwa pewa ekwashilipaleko komupresidente gwaBotswana. Otuna okommissi yaaluhe kombinga yegameno ndjoka hayi tsakanene lumwe momumvo nakehe shimwe sha guma egameno pokati kiilongo mbika ohashi kundathanwa moshigongi shika. Omumvo gwayi shika osha ningililwe moBotswana nonuumvo otashi ningilwa moNamibia.,” ya Ndakolo a ti .

LEAVE A REPLY

Please enter your comment!
Please enter your name here