Evalululo lya Shikololo …Ta popi emoniko lye ongomondjila yokuya kuDamascus.

0
303

Nuusita Ashipala

ONGWEDIVA-Felix Johannes, a tseyika nawa Shikololo uuna ta imbi, okwa ti okukambuka konima yokunwa omalovu okudhigu oko kwe mu fala opo a ka penduke eli moombete a kalelwa ku yina, okwa li oshinima sha gwana okumu tokolitha opo a lundulule nokuthanga ekende sigo aluhe.

Shikololo okwa simana nokuholoka puuyelele okuuka pehulilo lyomimvo 1990 nopetameko lyomimvo 2000 ongo omwiimbi hi itanga mOshiwambo neitango lya yooloka kaa imbi yomufango ngoka. Pombanda mpoka ina kala po ethimbo oshoka okwa punduka noku ihata po, na okwa ka kala ha monika ta imbile ko shaangoka pomahala gomanwino. Okwa li ishewe miikundaneki molwashoka kali ha vulu okukala piilonga ethimbo ele.

Ngashingeyi konyala omimvo mbali dha piti, Shikololo ota shuna lwanima kombinga nomutima guudha oshili nkene a mono emoniko onga Paulus mondjila yokuya kuDamaskus. Ndika okwe li mono sho esiku limwe a penduka mombete moshipangelo a kalelwa kuyina uudha omahodhi momeho.

“Omatumbulo ga meme, ‘natu ye kegumbo oshagwana’… Ndyoka olyo lya li etameko lyelunduluko monkalamwenyo yandje,” Shikololo a hokolola.

Shikololo, ngoka a gwanitha 40 moma 23 ga Januali nuumvo, okwa ti okwi ikanithile moshikondo shomainyanyudho pethimbo lyuugundjuka we mo omo moka a tamekele okunwa unene. Okwa ti ohokwe ye oya li yombiila nethimbo limwe okunana oshigwanga. “Ndele omathimbo gamwe uuna inaandi guma nando iinima mbyoka ohandi kala ndili nawa’ ihe shampa ngaa nda nwa nenge nda nana open a uupyakadhi. Okunwa ombiila oko ngaaka kwa li oshinima shandje ndi hole,” Shikololo a ti .

Ngashingeyi oku uvite nayi kondjila ndjoka a ende, sho ndjika ya li yu udha iiyimbi niithulukutumbe, ihe nando ongaaka okwa ti ye ina kala ta nu uule womimvo mbali ngashingeyi konima sho a kala ta kondjitha oku etha po omakende uule woomwedhi odhindji.
Onkatu yotango okulunduluka oosho a thigile po Ovenduka naashihe shoka a li eshi mwakwatelwa niinima ye ayihe nokutembukila kOshakati hoka oko a ningi omimvo mbali dha piti po. Omasiku ngaka, Shikololo okwa galukile koVenduka ta kongo iilonga oshowo a tseyithe oalbuma ye ompe tayi popi onkalamwenyo ye.

Ngaashi ashike aagundjuka yalwe yomimvo dhe, ye okwa li tanu omalovu opo a dhimbwe omaupyakadhi ge, ihe ota dhimbulukwa kutya nonando okwa li monkalo ndjoka shoka inaashi mu thiga po osho evuliko”.

“Meni muule womutima gwandje onda kala ndi na evuliko ndyoka nda longwa kegumbo’ osho a hokolola sho a kokele puyinagona konima yemanguluko.

Shikololo ngaashi aanona mboka ya valelwa muundjendi , okwa kala ethimbo lyuunona we mookamba dhoSWAPO na okwa li a tumwa kosikola kuSwapo na okwe ya ashike koNamibia konima yemanguluko.

Konima yomimvo ta kondjo oku ethapo okunwa Shikololo ngashingeyi oku ishi, kutya oye lye naashoka a hala monkalamwenyo, omaipulo ngoka ye a li kee he na konyala etata lyonkalamwenyo ye.
“Shampa wa kololokwa oho tseya kutya ngoye owuna omimvo ngapi, kutya ngoye omulumentu na ishewe kutya owuna aanona. Onda li ndi shishi kutya ondi na aanona ndele kanda li ndi na ko nasha. Iinima oyindji kaya li yi na oshilonga uuna nda li nda kolwa” Shikololo a ti.

Shikololo okwa vala aanona yatatu nongashingeyi oha longitha ethimbo okukambadhala oku kwatathana noyana sha landula ethimbo ndyoka a kala kokule nayo. Okwa ti ye omuvali ashike a fa aavali ooyakwawo mboka ya piti momaupyakadhi nokwa ti ngashingeyi okuna ekwatathano ewanawa noyana.

Nonando oshipangelo osho she mu endeleleke opo a lundulule onkalamwenyo ye , edhiladhilo lyokulunduluka olya kala muye ethimbo ele. Okukwatwa kwe kwaali paveta sho a lundilwa a longitha iingangamithi noshipotha shoka osha kwata ethimbo ele , shika oshe endele wo pamwe nekanitho lyaanamusika ooyakwawo Pablo, Pedrito, YT de Wet na La Chox, mboka oyo ye mu dhimbulukitha kutya nani okwa pumbwa okulunduluka.

“Ayihe mbika oya gumu ndje nondi ipula kutya ngame nangame onda li tandi vulu okukala nda sa momukalo ogo tuu ngoka. Ihe mokukwatwa kwandje onda ningimo ongalo ombwanawa ndjoka ndaluku ecstasy. Iikundaneki unene tuu iifonkundana oya landitha oshindji mehokololo lyokukwatwa kwandje, naashoka inaandi monika ondjo, kanda li we nda gwana okushangwa miikundaneki”Shikololo a ti.
Konima yokukanitha ookuume okwa kanitha wo omukadhona gwe noshowo iilonga ye.Pehulilo okwa kanitha monkalamwenyo.
“Kanda li we nda tseya shoka ndi na okuninga nuuna ndi na oku fudha po nenge oku lya sha. Shika osho onkalo yuukolwe moka ndali” Shikololo.

Pomimvo 40, omunamusika a tseyika nawa okwa hala okuninga omusikumudhi noku kwatha aagundjuka mboka ya landula ondjila yoalkoholi opo eya galule mo muyo. Okwa ti inaku toka okulunduluka noku etha po oondjila dha puka. Okwa ti okwa li a pewa omayele omawanawa ndele molwashoka okwa li e na omutima omunene okwa kwata ethimbo okutula miilonga omapukululo ngoka.
Okwa ti ye okwa putudhwa nawa neputudho lye kali na ekwatathano nondjila ndjoka a tokola okulandula.
Kakele koku eta po oalbuma ompe, Shikololo

LEAVE A REPLY

Please enter your comment!
Please enter your name here