Ndevelo oye omudhengingonyo dhingi mEenhana

0
26

Maria Namupala

EENHANA-Omudhengingonyo Tryagain Ndevelo oye omusindani muudhano mboka wali wa longekidhwa ehuliloshiwike lya piti mEenhana.
Ndevelo okwa kalela po sipana yaa dhengingonyo tayi ithanwa Eenhana boxing and fitness academy.
Aamati ya za momudhingoloko gwEenhana oyali ya ulike iipewa niitalenti yawo, sho yi ipemo dhopomeho osho wo uuhandja wa kola, noya kala taya lalakanene okusindana muudhano mbuka.

Oshiindingili shika shoongonyo oshali sha yakula aantu oyendji moka mwakwatelwa aanangeshefa naaholi yoongonyo.
Omupopiliko gOhangwena boxing federation, Elkan Abraham Mwanyekange okwa ti uudhano mbuka owe enda nawa, no ta ya lalakanene okuyambula po omuthika guudhano mbuka monooli yoshilongo.

Okwa ti owali wa unganekwa nelalakano lyokuhanganitha aadhengingonyo, nokuya longekidha molwaashoka oyendji oya taalela omathigathano ga yooloka meni nopondje yoshilongo. Okwa ti owali wa kwashilipalekwa kOnawa mini market, aanangeshefa yomondoolopa ndjoka oshowo Eenhana boxing and fitness academy.

“Muudhano mbuka omwali tamu sindanwa omapapa, oonzapo, iimaliwa na yilwe oyindji shiikwatelela koondondo dha yooloka, owali wa kwashilipalekwa noshimaliwa shoo N$ 12 000, mono omusindani kehe a mono okapandi ke ka gwana,” Mwanyekange a ti.
Okwa gwedha po kutya moshitopolwa shawo omuna aadhenginyonyo oyendji, mboka haya kala nokwi idheula pomahala ga yooloka.

Tryagain Ndevelo oye omudhengingonyo dhingi muudhano auhe sho a dhengemo Paulus Eliaser molugodhi ndoka olo lwali olunene lwesiku.
Ndevelo okwa pewa oombandi osho wo okapandi koshimaliwa ko N$ 6 000, na yilwe oyindji, aasindani yamwe oya pewa oombandi noshimaliwa shoku ikwatha momalweendo.

Aadhengingonyo mboka ya kutha ombinga methigathano oyaza kooclub ngaashi Eenhana boxing and fitness academy ndjoka oyo ya tothwamo dhingi muudhano auhe, Intelligence boxing academy, Okongo boxing academy, Omshasho boxing club ya yambukile kOshana oshowo Oshakati boxing nayo yokOshana.

Mwanyekange okwa ti otaya kambadhala okugongela oshimaliwa opo ya lande iilongitho ya gwana mbyoka tayi gandja ompito kaaholi yuudhano opo ya kale taya idheula nawa. Ndevelo okwa tegelelwa aka kalelepo oshitopolwa shaHangwena oshowo oshilongo ashihe muudhano woongonyo mboka tawu ithanwa Gold Coast commonwealth 2018.

LEAVE A REPLY

Please enter your comment!
Please enter your name here