Ombaanga yaNamibia ya londodha mboka haa dhana niimaliwa

0
675

Komutoolinkundana

Ovenduka-Aantu mboka haya ithaneke omathano nenge uuvideo taya dhana niimaliwa nenge miimaliwa oya londodhwa kutya shoka kashi li paveta na kehe ngoka a monika ondjo moshinima shika ota vulu oku edhilwa mondholongo nenge okufutithwa ooN$100 000. Elondodho ndika olya gandjwa sha landula iiningwanima yaantu haya tula omathano gawo kompandja gawo gosocial media ye li miimaliwa nenge taya umbile ooyakwawo iimaliwa yomafo. Elalakano anuwa olyo oku holoka ya fa aayamba no ka ye wete kutya iimaliwa mbyoka otaye yi longitha shike.

Aantu mboka ya tula omathano gawo ye li miimaliwa oye na omasiku gaheyali oku kutha ko omathano ngoka. Ngele ina ye shi ninga Ombaanga ya Namibia otayi ka indila aapolisi oshowo oompangu opo mbaka ya hokololithwe.

Omupopiliko gwoMbaanga ya Namibia, Kazembire Zemburuka okwa ti oveta onti 15 yomumvo 1997, oye shi yeleka nawa kutya osha indikwa oku ulika, okukopinga okuthaneka, pamathano pavideo nenge pakupainda iimaliwa kehe ya Namibia kutya nee omafo nenge iikukutu.

“Oveta otayi ti kehe ngoka ta taaguluka eutho ndika lyoveta ota kala ena ondjo na ota vulu okugeelwa nokufutithwa ooN$100 000 nenge okupatelwa mondholongo omimvo dhaa vule puheyali nenge oku futithwa noku edhililwa wo mondholongo”osho a ti.Etompelo oondika kutya omafo godola yaNamibia ogo oshimaliwa shina ongushu nomuntu kehe ngoka ta dhana nasho okwa fa te shi shundula nokushi kutha ongushu.
Ombaanga otayi pula aakwashigwana mboka yi ithaneka niimaliwa ya kutheko omathano mbala omanga inaa ya geelwa na ye shi ninge meni lyomasiku ga heyali okuza uuna omushangwa nguka gwa leshwa. Ngele ina ye shi ninga nena ombaanga otayi ka indila opo ya kwatwe nokupangulwa.” Zemburuka a londodha.

“Osho oshinakugwanithwa shombaanga okugamena oshimaliwa nokusa oshimpwiyu kutya shika oshina ongushu ndjoka yi inekelwa komukwashigwana kehe.

LEAVE A REPLY

Please enter your comment!
Please enter your name here