Omusita Shaanika a mono onzapo onene yuundohotola muuteolohi

0
554

Shipi Elago

ONGWEDIVA-Onzapo yeilongo yuundohotola oyo yimwe ya pumba monkalamwenyo yuulongelwe, yamwe oye yi thigi othika yalwe oye yi tila ashike omusita Eliakim Kakeke Shaanika okwe yi komonene kekothi noku tsa ko oshimpungu she melongo.
Konima yomimvo dho ku tula kumwe iishangomwa ye mbyoka yili oshipumbiwa nomisinda landu oku adha onkatu yuudohotola lwa hugunina omazigudhe ga shituka enyanyu.

Dr Shaanika ngashingeyi okwa li a mono oDipoloma muuteolohi momvula 1983 okuza moshiputudhilo sha United Luthern Theological Seminary, Paulinum Otjimbingwe .

Konima okwa li a ka tsikila eilongo lye koshiputudhilo sha Wilfred Laurie University, Waterloo Kanada moka a mono onkatu yuuMaster momumvo 1991.

Oshinyolwa she oshali, Ewi lyuuteologi wemanguluko moNamibia,(The voice of Liberation Theology in Namibia Systematic Theologhy), okwa li a ningi wo oshishangomwa, eho lyolukeno oohedhi dho pakriste dhopankalathano nopolitika mekondjitho lyomuleli omudhudhu.
Ondjoko yonkatu yuuMaster Degree oya li ya thigi omapepe ga Kakeke ga pushuka na okwa li a pogonyoka onkene okwa li ena okweegeka omatati gelongo ye a taalele manga yilwe .

Dr Shaanika okwa li a mono kutya ita vulu a kale inaa tsa ko onku ye yelongo onkene okwa li a tokola opo a taaguluke omilonga nomafuta a thigipo egumbo lye opo a ka tale genongo ngele ota ga fe gongombe .

Momumvo 2017 okwa li aadha oshilalakanenwa she sho a li a pewa onkatu yuundohotola koshiputudhilo sha Stellenbosch moSouth Africa.
Onzapo ye yuundohotola otayi shangwa Doctor of Philosophy in Systematic Theology (PHD), oshinyolwa she oshali ,ondjokononalongo yoshilongahanganitho ongo eshongo enene kOngerki onkwaEvangeli paLutheri moNamibia(Historical Study of Reconciliation as a challenge in the Evangelical Luthern Church in Namibia).

Okwa tula kumwe iinyolwa yi thike pu ihetatu mbyoka ta yi adhika moongulumambo moshilongo na ota yi monika wo komalungula.
Yimwe yomiinyolwa a shanga ongaashi, Newi lya kaagena Ondjamba nekuma nde ta yi thikama: Ondjokonona yomusamane Andreas Kotokeni Shaanika 1920-1997

Oshamba ya lala : Ontakumandjimbo yoshigwana shNgandjera
Moshinkoti shaShiganga: Eholokopo lyegongalo Oluteyi 1975-2005,Ekandanga lyoshitunda Ongandjera 2014.
Posituthi shoka sha li sha ningilwa pegumbo lye omupopi gwesiku okwa li omudohotola Ananias Iita ngoka ali andjandjukununa nkene oonkatu melongo ha dhi ende na nkene sha simana oku humitha komeho oondunge dhopalongo.

Ta kumagidha aanyasha opo ka ya huulile moonkatu dhawo dhotango palongo oshoka pamautho gelongo ndhoka odhafa oondunge oompombolume ano oondunge ina dhi hokana.

LEAVE A REPLY

Please enter your comment!
Please enter your name here