Onakuyiwa yoPremier Liha moNooli ya thinda kokwena kwa hula “Amathekie monkugo yi na onkambe”

0
39

Shipi Elago

Oshakati-Mboka haya popilile oya tala kutya iitopolwa yokoNooli nayi kale yi ilongekidhila omimvo dhontumba dhondjala yokatanga koPremier Liha.

Onkalo yokatanga koNooli oyi wetike yuuka konkalo ombineyi yafa naanaa ngaashi shali shaningwa pethimbo ndiyaka sho oosipana ndhoka dha li dha kalele po iitopolwa yokoNooli dha li dha gwile mo moliha.

Iitopolwa yo koNooli oya li ya kalelwa po kosipana yOshakati City no KK Palace pamathimbo gayooloka na konima sho oosipana ndhika dha li dha dhengwa ongola moliha ndjika iitopolwa yo ko nooli oya li ya tegelele konyala omimvo ne uudhano mbuka wu galukile koNooli.

KK okwa li a gu mo moPremier League mo 2005 omanga Oshakati City ya li ya gumo olutiyali mo 2011 naashika oshali sha landulwa koomvula ne dhoshikukuta shokatanga ko Premier league moNooli.

Osipana yoYoung Chiefs oya li ishewe ya yambula po omaudhano koNooli konima sho ya li ye shi tompola okuya koPremier League momumvo gwo Katanga gwo 2015/16 konima sho ya li ya dhenge mo omukondjithi gwayo moliha yoFirst Divison Golden Bees ndjoka ya li ye ya kondjitha sigo okominute gwa hugunina.

Young Chiefs omumvo gwe gwo tango okwa li a lu oshilumentu na okwa li a kaleke ehala lye moliha yopombanda moshilongo.
Ashike omumvo omutiyali moliha ndjika ita gu endele nawa osipana yetu yokoNooli na oya li ashike ya tompola okusindana omaudhano gaali momukokomoko gwedhingoloko lyotango lyuudhano woliha yoMTC Namibia Premier League.

Omasindano ngaka oga li geya konima sho ya li ya dhenge UNAM FC 2-1 mOvenduka omanga esindano etiyali lya li lye ya mehuliloshiwike tuu ndyoka konima sho ya li ya dhenge Citizen natango mOvenduka nookoola 2-1.
Young Chiefs okwa li a yi poka fudhe po koKrismes na oyendji oya li ye na einekelo kutya otaya ka zako nokugandja iizemo iiwanawa noku nkondopaleka ehala lyawo moliha.

Ashike omukonda gwosipana ndjika ita gu tengele nawa na oya pumbwa oonkondo oonkwagulu opo yi tale kutya ota yi londo ngiiini ondundu ndjoka ya taalela.

Ehuliloshiwike lya ziko aayambidhidhi yoYoung Chiefs oya li ya holoka momiyalu ominene oku tala nkene ta ya kwathele osipana yawo yi taaguluke omulonga ashike shipanga ota nyenge nangolo nando ayehe omOndonga ye li.

Young Chiefs okwa li a tameke a nika eembwayelo unene tuu konima na okwa li a paluthwa kaamati yokomunkulo mboka ya li ta ya dhana ya fa uudhano ita ya kewu mona we.

Young Chiefs okwa li a pe aayambidhidhi ye okoola na oko ashike wa hala wu tale aantu oya li shili ya hambelele okoola ndjika nekudhilo lya meme yakukwe na oyendji oya li ye wete kutya omasindano ngoka ya kala yeshile Young Chiefs ga galuka unene tu sho oominute dha li dha thinda lwo pomilongo 90, ashike Rundu Chiefs okwa li akwiininwa mondhikwa yOmbambi oshoka okwa li a tula mo okoola mominute gwa hugunina noku dhenga Young Chiefs naayambidhidhi ye pomutima no ku eta omayipulo mokati koyendji kutya omasiku gosipana yawo moPremier League ota ga ende ta ga yalulwa.

Ashike shidhigu iha nyenge mwene gwo omugongo omuposi oke kuya natango Young Chiefs oku na natango ompito yo ku kaleka po ehala lye moliha ndjika sho oshiluku sholweetho lwahugunina lwoliha ta lu ka galukila mondambo.

Ngele Young Chiefs okwa kuthako oongaku eta tameke oku sindana omaudhano ge meni nopondje yegumbo nena otashi vulika a ka iyadhe a za mo mo kakololo koosipana ndhoka tadhi ka gwa mo moliha ndjika pehulilo lyomumvo gwo Katanga kokoompadhi ngoka gwa tegelelwa gu keye pehuulilo pehulilo lya April.

Ashike Young Chiefs ina pumbwa oku ngwangwana oshoka eyooloko po kati kosipana ndjoka yi li pehala etihamano iitsa yi li omugoyi oshoka osipana ndjoka oyina iitsa 21 omanga Young Chiefs ngoka te etelele okano ena iitsa 12 shika ota shi ti ngiini Young Chiefs okwa pumbwa ashike oku sindana omawudhano gane ga lambathana nena opuna ompito e ki iyadhe e li pondondo ombwaanawa.

Ashike oyena okugalikana opo oosipana ndhoka dhili pombanda dha wo dhi tameke okukanitha iitsa.
Oosipana ndhoka dhi li mokakololo kokugwamo moliha pamwe naYoung Chiefs odho Chief Santos ngoka ena iitsa 14, omanga Tigers FC ngoka a li asindana po oliha ndjika omumvo gwa yi na ye okuna iitsa 14.

Oosipana ndhoka ta dhi keya ndatu dha hugunina sho oliha ta yi ka tameka odha tegelelwa dhi ka thige po oliha ndjika moompadhi oontalala.

LEAVE A REPLY

Please enter your comment!
Please enter your name here