Oshitopolwa shaHangwena sha yamukula ehiyo lyo NSC

0
41

Shipi Elago

EENHANA-Omitse dhomaudhano moshitopolwa shaHangwena odha li dha gongala oshiwike shika moshigongi shoka sha li sha hiya aawiliki yomaudhano gayooloka moshitopolwa.

Oshigongi shika sho pa ulumo mpumbwe osha li sha kundathana nkene oshitopolwa shaHangwena shi na oku iyunganeka opo shi ka kuthe ombinga muudhano uupe mboka wa unganekwa kokomisi yomawudhano moNamiba ,ngoka ga tengenekwa ga ka kaleko kuyele muMai nuumvo moVenduka.

Nando uudhano mbuka wopashigwana owuna oongundu dha yooloka dhomaudhano Ohangwena oya ulika tayi ka kutha ombinga muudhano uheyali awuke mboka owo ha wu dhanwa moshitopolwa shika na owuna iikwa niipangitho ha yi monika moshitopolwa.

Oya tothamo uudhano ngaashi okatanga kokoompadhi, Netball, Volleyball, Boxing, Athletics, Karate, no Basketball.
Moshigongi muka Ohangwena oya li ye eta po olutu ndoka talu ka kala noku longekidha oosipana dhoshitopolwa okuya kuudhano mbuka, moka Steve Immanuel oye a li a tothwa mo omunashipundi guudhano mbuka omanga Sammy Mushelenga a li a tothwa mo a ninge omupeha nashipundi.

Silas Ihalwa okwa li a hogololwa omudhiginini gwiiniwe, ye Shetuelao Kamati oye amushanga, Ingy Hainghumbi oye omunashipundi gwoongundu dhomaudhano dhayooloka, ye Theo Mwashindange oye omugandjimulombo.

Mbaka oya tegelelwa opo ya ka kale ya ninga oshigongi moshiwike tashiya opo ya tale nkene ta ya ka tula po omisindalandu noku tula po wo omasiku go ku ninga omalolelo gaadhani mboka taya ka tunga po oosipana dha yooloka moshitopolwa.

Omaludhi gomaudhano ngoka ga li ga tothwa mo nago wo oga li ga pewa aawiliki moka okatanga kokoompadhi ka pewa Dascan Mushabati, Netball, Asser Haufiku, Volleyball, Silas Ihalwa, Boxing Theo Muashindange, karate, Mordekai Mutilifa, Basketrball, Haifidi Markus.
Oshitopolwa shaHangwena osho shimwe shomiitopolwa iinelago moshilongo opamwe noshitopolwa shaKhomas oshoka iitopolwa mbika oya pewa iilongitho nuupale womaudhano wopamuthika gwopauyuni kehangano lya GIZ onkene ota ya ka longitha iilongitho mbika oku longekidha oosipana dhawo.

Oshitopolwa sha Hangwena oshina owo omutungilo gwoBokisa gu li pa mu thika , moka Israel Hamutumbangela a li etu yakele ko kutya oye li nale ya tula oshitopolwa shoBokisa mondjila na ita ya ka longa nuudhigu oku eta po osipana yopashitopolwa ndjoka ta yi ka kalela po oshitopolwa shawo kuudhano wokomisi yomaudhano.

Okwa ti aahiki hiya naadheuli yoBokisa mOhangwena ohaya yi mootundi dho ku iyenditha po poompango oompe dhoBokisa ndhoka ha dhi zi kongongahangano yoBokisa muuyuni International Boxing Association ( IBA ).
Ohangwena oyo yimwe yomiitopolwa iinene moNamibia naamboka ta ya ka kala no shi nakugwanithwa shoku hogolola oosipana dhayooloka oyena oku ka longa omutenya nuusiku oku adha uukololo a wu he moshitopolwa shoka.

LEAVE A REPLY

Please enter your comment!
Please enter your name here