Otonamende yoSocial League otayi tameke mOndangwa

0
30

Shipi Elago

ONDANGWA-Oliha ndjoka hayi unganekwa koshikondo shoondholongo mOndangwa natango oko yili omvula ndjika.
Oshikondo shoodholongo nezulonkalo mOndangwa omvula ya zi ko oshali sha toto po uudhano waamboka ihaya dhana we mooliha dhopashigwana dhetanga lyokoompadhi, ndjoka ya li ya kuthiwa ombinga konyala koosipana dhomomudhingoloko gwa Ndangwa.
Nuumvo oshikondo tuu shika osha hala opo oliha ndjika yi ka tsikile na oya hala okugwedhela oosipana dhi kale 16 konima sho ya li ya tameke owala noosipana hetatu.

Pethimbo a li moonkundathana naKundana Charles Matengu ngoka e li omugandji mulombo muudhano mbuka okwa li a holola kutya ongoshikondo sho ku gandja ezulo nkalo kwaamboka ya longa iimbuluma oya li ya dhimbulula nkene omaudhano ta ga vulu oku eta aantu pamwe ya nyanyukilwe pamwe momukalo ta gu tungu.

“Olwindji moNooli aantu oya kala ya lumbulwa omaudhano onkene olwindji ngele omuntu okwa sa ezaza nena okuna ashike oku ya koondingosho naashika oha shi eta elongitho nayi lyomalovu lya pitilila mokati koshigwana shoka wo ha shi vulu oku indjipaleka iimbuluma, oshoka ngele aantu ya idhengemo nena ohaya vulu oku ninga omatokolo inaa ga tokoka nawa naashika osha tula aakwashigwana oyendji moonkalo ka ya li ye dhi tegelela,” Charles ta ti.

Okwa ti oosipana adhihe ndhoka dhina oku ka kutha ombinga moliha ndjika odha tegelelwa opo dhi ka kuthe ombinga motonamende yepatululo ndjoka yi liko ehuliloshiwike ta li ya mOndangwa.

Okwa ti nuumvo oya eta mo omaludhi gaali gomaudhano Netball noVolleyball konima sho ya li ya tameke netanga lyokoompadhi olyo alike.
Oosipana ndhoka dha hala okukutha ombinga muudhano mbuka odha tegelelwa opo dhi ka ye mondjato kohulo yoonyala.
Omayishangitho ongaashi tashi landula, okatanga kokoompadhi, osipana kehe oya tegelelwa opo yi ka faalele oodola 700 dha Namibia omanga oVolleyball ta yi ishangitha noodola 400.

Kehe osipana oya pitikwa ashike yi kale yi na aadhani yaali haya dhana mooliha dhopashigwana.
Esiku lya hugunina otali ka kala meti 15 Febululali nuumvo .

Oosipana adhihe ta dhi kutha ombinga odha tegelelwa opo dhi ka kale moshigongi pendiki lyoondholongo mOluno ta shi ka kala ko momasiku 13 gomweedhi nguka ta shi tameke potundi ontihamano yo komatango moka ta mu ka kundathanwa iinima ya pamba otonamende ndjika.

Onkene Charles indile aakalimo yomodoolopa yaNdangwa niitopolwa yopuushiinda opo ya ka holoke momiyalu ominene potonamende ndjika opo ye ki ikuthe ezaza

LEAVE A REPLY

Please enter your comment!
Please enter your name here