Sakaria ‘Gumede’ Kandenge

0
219

Tuulikki Abraham

Lüderitz-Omunamido 29 Sakaria Kandenge, a shiivika nawa meengalo oye Gumede, ota ti, yeemwene okuna eifano lokushika eengalo, onghene okuhovela odula yaya 2017, okwa tokola, opo a tule moilonga oshipewa osho yee ehole, nokwelineekela kutya ote ke shilonga nawa.

Gumede ota ti, odula yadjako okwa tota ongalo yaye yo tete, yetwalemo, oyo taimu tongomonamo nawa kutya oye lyelye. Ota ti okwa hala ngeno neudo a kale a pitifa oalbum yaye yotete. Eengalo odo a tokola okuimba odomaludi a yooloka.

Gumede yeemwene odalele yomOndangwa, nopaife okuli omunambelewa wovanyasha, mouMinisteli wovanyasha , moLüderitz. Ota ti okuwete kutya nonande ta longo oilonga yaye younambelewa, okwa didilika kutya, itadulu nande okuholeka ounhongo oo ena.
Ota kumike ovanyasha , unene tuu ovo vena omaunongo onhumba noongadi, ve atule moilonga noku alongifa.

“Ounhongo ngee ou una u longifa, u tandavele, woo ushiivike koshiwana shonena, ndele noshiwanana shokomongula. Ovanyasha, ova pumbwa okuushiiva ongushu nefimano, lounongo oo omunhu wa likola okudja meshito. Ounhongo ngee owe umwenene, ino ulongifa nena owa holeka ouyamba, oo wapewa komushiti.” Gumede osho a yelifa.

Ota ti naye mwene ina hala nande okuholeka ounhongo oo apewa komushiti, ota ti, okuna elitulemo moku wajimina ehangano lovashikingalo moshilongo, opo yoo ounhongo waye ushiivike moshilongo ashishe.

LEAVE A REPLY

Please enter your comment!
Please enter your name here