Ta ya kongo omukadhona a kana

0
1057

Maria Namupala

ENGOWI-Ofamili yimwe momomukunda Engowi moshitopolwa shaShikoto otayi kongo okaakadhona komivo hoka anuwa a kanene mu Novomba omumvogu ihe sigo onena ina monika.

Elise Ipinge, yina yokakadhona hoka okwa ti pethimbo omwanakadhona omwana gwedhina Sara Ipinge a kana, okwali ha kala na yinagona komukunda Eenyika momudhingoloko gwEenhana moshitopolwa shaHangwena.
Yina yaSara okwa holola kutya oyeli momalimbililo omolwa omwana ngoka kaaye wete. Okwa ti oya ninga oonkambadhala odhindji ashike adhihe ina dhi pondola sha.

Lea Nghilalulwa ngoka a li ha kala na Sara okwa ti oye mu ihulu oku mu mona mo 26 Novomba 2017, sho yali yemu thigi megumbo manga ya ka talela po komukunda gopuushinda, ashike sho ya galuka inaye mu a dha mo megumbo.
“Molwaashoka esiku ndyoka meme gwe okwa adhika eya etutalele po, otwali twa ka talela po aapambele yetu, naasho twa ka galuka megumbo ke mo sho twa pula aanona oya ti ka ye shi mpoka a yi molwaashoka ine ya lombwela, otwali twa pula puushiinda ashike ina monika po, esiku lya landula sho twayi popate otwa lombwelwa kutya okwa monikile ta kwata oolefa ena okaplastika peke”, yinagona tati.

Oya kala anuwa nokugandja omatumwalaka mombepo ashike inashi kwathta sha,oyali ya tseyithilwa anuwa a monikile pOkapalelona komweelo gokoongamba okuya koAngola, ashike sho yaka yako oya lombwelwa kutya omukadhona ngoka okwa fadhukapo no ina monika mpoka uuka.
Yamwe yopomudhingoloko gOkapalelona oya holola kutya oyali haya mono omukadhona guukwatya mboka tawu popiwa, he ende nomagumbo, ta kongo omeya ashike oha monika owala esiku ndyoka lya landulako ita monika we. Yamwe taya popi kutya monkalo moka eli okwafa keeli nawa momutse.

Molwaashoka kapuna nenge gumwe megumbo ena ethano lye oyati uukwatya we anuwa keshi omupopyapopyi, omuluudhe omuhupi ena omeho omanene nomayego gafa ga londathana, Taya popi kutya ekano lye olye ya limbilika molwaashoka iha dhumwa kakele sho a dhuminwe kOkapalelona, ashike oyena ngaa omukumo kutya pamwe onaka galukila ngaa kegumbo.

Okwali ha sikola koMatheus Nashandi momudhingoloko gOnayena, omumvo gwaziko kali anuwa hayi kosikola, okwali a taambwa aka tameke nuumvo, ashike sigo onena ke wetike, no taya pula moshigwana kehe mpoka tapu monika omukadhona ngoka wu ninge omakwatathano nayo koongodhi 0812900371/0814103178. Ta ti oya hala okuza momalimbililo pamwe ta monika ngaa mpoka eli.
Taya pula ngele Sara yemwene okuna mpa eli a kale a galukila kegumbo.

LEAVE A REPLY

Please enter your comment!
Please enter your name here