Avani a egulula ehala lyokunwa nokulya

0
20

Pinehas Nakaziko

WINDHOEK-Okwa li ongulohi yomainyaudho Etine lyoshiwike sha piti sho yimwe yomoohotela dhomoWindhoek ye dhina Avani, yali ye egulula ehala lyawo epe lyokunwa nokulya, Pantry.

Poshituthi sheegululo osho tuu ndika kwali lya ningilwa pepandaanda enene lyo Independence Avenue, opwa li pwahiwa aanangeshefa osho woo iikundaneki, opo ya inyanyudhe yo yatale ehala ndyoka epe.

Kakele kwaashoka, elalakano okwali ishewe okutala nkene ohotela ndjika yahuma komeho, okugwedhelako ishewe ehala mpoka tapu kala hapu thikile aayenda.

Omukuluntu gwo Avani, Rudie Putter, okwa ti ohotela ndjoka ya kala yishiwike nale ongaKalahari Sands Hotel oyali ya tungwa mo1976, ka kwali naana tayi nana aatalelipo oyendji, oshoka ohaya pitile mokati koositola, okuya mohotela ndjika.

“Otwali twa mono ompito ndjika ombwaanawa, yoku eta po omweelo ngoka omupe opo aasapoti yetu ya kale ya manguluka ngele taye ya mohotela inaa ya piyaganekwa nando okomuntu, nehala ndyoka hali landitha iikulya mbyoka tayi tungu olutu, niikunwa yili pamuthika gwopombanda,” Putter tati ngaaka.

Putter okwa gwedha po ishewe ta ti ehala ndika olya egulukila kehe omuntu, nokashishi ashike mboka yeya kohotela. Ehala ndika olya pula oshimaliwa shithike poodola dhaNamibia oomiliona 24, notali ka vula okugongala aantu ya adha po 234.
Putter okwa ti oya thaneka okutunga ehala lyokunwa nokulya pombanda yohotela oyo tuu ndjika, mpoka ta pu kakala puna ondama yokuyoga ontente, niinyangadhalwa oyindji yoku inyanyudha, pwa gwedhwa omahala gwokutula iihauto ga adha 84.

LEAVE A REPLY

Please enter your comment!
Please enter your name here