Ekopi lo Haders noneudo oko lili

0
39

Tuulikki Abraham

LÜDERITZ-Ekopi loHarders olo la danenwe lotete modoolopa yokomunghulofuta Lüderitz odula ya ya 2017,noneudo otali ka danwa oshikando oshitivali.

Omuunganeki wo Harders Cup, Tim Ekandjo, osho a shiivifa etitano ladjako, moLϋderitz, a ti kutya oHarders Cup, otai kadanwa oshikando oshitivali neudo momafiku eshi taakakala 31 March fiyo 01 April 2018, pokapale komaudano mo Lüderitz.
Odula yadjako oudano owa danenwe oshikando shotete muMaalisa.

Ekopi eli ola findanenwe po kOspana yo Youngsters oyo ya denga mo ospana yoNovaNam neekola 5 – 3.
Ovaholi voudano wetanga lokeemhadi ova teelelwa veuye vatale o Harders Cup eshi tai kadanwa oshikando oshitivali modoolopa yokomunghulofuta, koumbuwanhu woshilongo, okuya pehulilo lomwedi twa finda.

Pefombo leshiivifo loudano watya ngaha, Ekandjo okwa shiivifa kutya, oudano wekopi lo Harders, odula yadjako owali ashike wakufwa ombinga keespana dili 6 domoLϋderitz, ndele neudo oudano owa nenepekwa, wakwata konyala oshitopolwa ashishe sha //Kharas.
Okwa ti eespana dili 6 odo dakufile ombinga odula yaya, odula yoneudo omwawedwa ospana imwe yomo Lüderitz, eespana mbali doko Keetmanshoop, oshoyo ospana imwe yoko Rosh Pinah.

Ekandjo ta yelifa kombinga yomashongo oo ataalela, eunganeko lekopi lo Harders, omhumbwe yoshimaliwa. A ti odula yaya ovali va faneka eunganeko loudano wekopi eli u longife ooN$946 000, osho Ekandjo a fatulula kutya, inashi ka wana, naasho shakambelako inashifutwa natango oshifike N$468.000, osho Ekandjo a udaneka kutya, oshi li oshinakuwanifwa, shovaunganeki voudano wo Harders Cup, vakale vatufa oshimaliwa osho meni loivike ivali twa taalela.

Ta tumbula kutya oudano wekopi lo Harders odula yoneudo, owanenepekwa, nokwafanekwa taukalongifa oshimaliwa N$1.2Million, osho Ekandjo a tumbula kutya, oshimaliwa osho shaongelwapo fiyo opapa oshifike N$660 000, osho ta ti, okwa kambela naatango oshimaliwa N$578 000, opo oudano woneudo udule okupita.

Okwa pandula unene omahangano oo ayandja oshimaliwa opo kudule oku uunganekwa oudano wekopi lo Harders 2018, ngaashi o Standard Bank oyo yayandja oshimaliwa shihapu N$150 00, Seaflower Group N$100 000, Tafel Larger N$100 000,Telecom Namibia N$100 000, omanga Nashitoke Trading as J&P Group N$50 000, Novanam, Coca Cola, na Pamoja Records keshe umwe okwa yandja N$25 000, omanga Nampower na Naftal Trading keshe umwe a yandja N$10 000.

Ekandjo okwa tumbula kutya ehuliloshivike olo, otali ka kala efiku loudano wetanga, novashikingalo va 6, okudja meni loshilongo, nopoushiinda South Afrika ota ve keuya okushika eengalo, moLüderitz. Movashikingalo ovo tava dilile ko South Afrika omwa kwatelwa, Destruction Boyz, ovo vashika ongalo, Omunye.

Ovo tava ka tala oudano wekopi lo Harders, naavo tavaka pwilikina nokutala ovashikingalo ovo tave keuya okushika eengalo, itava futu sha, otava ka pwilikina ashike oshali.

LEAVE A REPLY

Please enter your comment!
Please enter your name here