Nakuhahalwa nekatana ina hala we omuhahali gwe

0
917

Loide Jason

ONGWEDIVA-Omukiintu ngoka ali a hahalwa nomakatana komulumentu ngoka a kala kuume ke kopaihulo uule womimvo ntano okwa ti oshiningwanima shika oshe eta ekwatathano lyohole yawo pehulilo.

Loide Titus okwali a hahagulwa nekatano iiwike iiyali ya pita sho aniwa ookuume ke yaali ya lombwele he yokaana ke kutya okuna po omulumentu gumwe.

Titus okwa ti mboka yemu monithitha oshiponga okuya shi ihe ke na sho te ya ningi ndele oshinima shika oshi li miikaha yoonkungulu
dhezimo lye.

“Ngame ondi li natango mepangelo lye zimo onkee otatu ka tsakanena nayo sho tandi zi mo moshipangelo muka,” osho a hokolola.
Okwa tsikileko kutya nonande okwali ye omuyuuki mokulamwenyo kwawo komohole naangoka emu monitha oshiponga ayehe mbaka yatatu okweya dhimina po ihe ina dhimbwa shoka ye mu ningile.

Okwa hokolola kutya molwoshinima shika ohole yawo oyi na okuhula po na ita vulu okukala muyo nomuntu ha itaale omahokololo gaafele, omanga ye inaa ineekela omahokololo gaangoka eli naye mohole.
“ Ngame kandi vula okuya momilalo nomuntu a ningila ndje oshinima shi thike mpo, nande nande onkee shika osha ningi ehulilo lyohole yetu sigo aluhe,” osho Titus a gana komutoolinkundana nguka.

Titus okwa za kOngandjera moshitopolwa shaMusati hoka oko a li a ponokelwa komuholike gwe ngoka aniwa a zi koVenduka sho a lombwelwa omahokololo kaashiinda she yaali mboka ya tseyika nawa ihe itaya vulu okutumbulwa kuKundana manga.
Okwa ti kutya omulumentu ngoka eli mondjeedhililo sigo onena okwe mu dhimina po, oshoka ina hala okukala nondjo koshipala sha Kalunga.

Nguka okwa li a hendagulwa kothingo iikando itatu, koonyala noshowo komaako.
Shika oshe mu kanithile oonyala ntano nadhimwe dha tulwa iitenda.
“ Ngame okwali tandi vulu okulongela aanona yandje noonyala dhandje ihe ngashingeyi onde dhi kanitha, nena ote ningi ngiini. Shika otashi yemateke noonkondo adhihe,” osho a hokolola ngaaka.

LEAVE A REPLY

Please enter your comment!
Please enter your name here