Omakonakono ga mono kutya Omunye okwa yakwa

0
2287

Komutoolinkundana

OVENDUKA-Omunye okwa li ongalo ombwaanawa othinge ndjika, ndjoka ya dhanwa nokundaniswa nawa pomalupanda goondaanisa moNamibia, pethimbo mpoka aantu ya londo kombanda yoongulu noku yambula po iitaafula niipundi okundanisa komikwelengendjo dhongalo ndjika Omunye. Ihe pethimbo ndika osha hololwa kutya omusika ndjika oya yakwa. Pamushangwahokololo gwaakonakoni, obenda, Distruction Boyz, ndjoka ya thikama po muQue na Goldmax, omadhina gawo golela oyo Thobane Mgobhozi naZipho Mthembu, anuwa oya yaka omusikandjika okuza mongalo yomuhikingalo iili ndjoka ya li ya pitithwa iiwike itatu itano ya piti. Ongalo yedhina Trip to New York ya hikwa kuDJ LAG oya pitithwa nokutseyithwa muJuli 2017 na ohayi kwelengendja ngaashi ashike Omunye. Distruction Boyz oyi ikala kutya oya yaka omusiki ndjika, na oya ti oye yi landa okuza mongalo ya DJ Mphyd, ngoka edhina lye lyoshili olyo Siphesihle Njokweni. Njokweni oye a pewa esimano kutya oye omunduluki gwongalo ndjoka yi li moalbum yaambaka.

Eimbilo ndika olya tsakanekele uupyakadhi niitaasi yimwe yooradio moSouth Afrika, ndhoka dha indike opo ongalo ndjoka yi dhanwe okuziilila momakuthikuthi gooradio dhayo, oshoka anuwa oya ti otayi hwahwameke omilalo inaadhi gamenwa mokati kaagundjuka. Omikwelengendjo dhasimana dhOmunye oondhoka hadhi ti “Omunye phezu komunye” melaka lyoshiZulu, ndhika aantu ya fatulula kutya otadhi popi oshilonga shomilalo. Ihe, Distruction Boyz oya ndjika oonyala, mevi taya ti etumbulo otali ti ‘opena oyendji na shimwe oshi li kombanda yoshikwawo” na otaya ti omuntu ngoka ta dhiladhila kutya shika oshilonga shomilalo nenge iihulo okwa pumbwa Jesus”
Ngashingeyi omukonakoni nawa gokopi okwa ti omusika ndjoka yili kOmunye oya faathana lela naandjoka yili mongalo Trip to New York, nonando omadhengo ina ga faathana nando.

Olopota yomunawino mokuyelekanitha omusiki ngoka a pewa iilonga ku DJ LAG okwa eta po ngoka tagu vulu okuthikama mohofa, gwa li gwa tulwa kumwe komunawino miikwamusiki,Sakhile Moleshe of Imilozi Music.
Olopota yomapandja 31 ndjoka ya monika nokukonakonwa koshikundaneki City Press, oya ti: “Onda mono kutya omolwomadhengo nomikwelengendjo adhihe omawi ngaka oga faathana moongalo ndhika mbali, onkene Omunye ogwa ningwa okopi okuza kongalo Trip to New York.”

LEAVE A REPLY

Please enter your comment!
Please enter your name here