Coca cola National Challenge ye ende nawa

0
53

Shipi Elago

OSHAKATI-Aamatuki yopombanda moshilongo oya li ya gongala pokapale kaShakati okukutha ombinga methigathano lya Coca Cola lyooKalaba adhihe moshilongo.

Ngaashi shito uudhano mbuka owa li wa tameke noshinano shoometa 10 000 shaamati naakadhona onga omuthigululwakalo gwokutameka ekopi ndika.

Kaunaivi Mynhardt gwokoNamibia Polisi okwa li a sindana po oshinano shika konima eshi matuka muule woominute 31:08.06.
Kaundinge Tefanu okwe ya pehala etiyali mokumatuka uule woominute 33:26.32 omanga Nguloshi Amon a li eya pehala etitatu moka a li a matuka uule woominute 33:56.23.

Shivute Elizabeth gwoCheetah Athletics Club okwa li a sindana po oshinano sho shoometa 10 000 methimbo lyoominute 41:40.43, omanga Shilongo Shivomwe e ya pehala etiyali moka a mana muule woominute 41:47.46, ye Kristian Letisia teya pehala etitatu nethimbo lyoominute 43:11.63.

Tjiviju Even okwa li a sindana po oshinano sho ku kutha oonkali pepata shoometa 100 shoka shi holike okutalika koyendji konima sho a li eshi matuka muule woosekonde 11.12, omanga Ndunge Thomas e ya puutiya li noosekonde 11.14, ye Ndeilenga David teya pehala etitatu moka a li a matuka oosekonde 11.24.

Johannes Albertina okwa sindana po oshinano shoomeme shoometa 100 omanga Lundgerus Johanna eya puutiyali ye Gawases Rosa e ya pehala etitatu.

Kujandela Viginia oye a li a ningi okakadhona dhingi mokuumba ondjundo sho a li uumbu oshinano shoometa 10.52m, Eelu Maria okwe ya pehala etiyali mokuuumba ondjundo sho uumbu 8.85m omanga Liisa Elia a li uumbu ondjundo oshinano sho 8.33m.

Kandovazu Mberiho okwa li a thigipo uukadhona uukwawo moshinano shoometa 400 omanga Angula Tuuliki a li eya pehala etiyali.
Minin Meriam oye okakadhona ha ka nuka uule wo kuya pombanda na okwa li a landulwa kuDaniel Whitney.

Tjiviju Even okwa li uulike oonkondo moshinano shoometa 200 shoka a li eshi matuka mepathimo lyeho na okwa li a landulwa ku Ndunge Thomas pehala etiyali omanga Aochamub Thasiso eya pehala etitatu.

Muudhano woomeme woshinano sho 800m Nduuviteko Salmi okwa li a kangele ooyakwa wo noku matuka oshinano shoka muule woominute 2:14.66, Angala Tuuliki okwa li eya pehala etiyali noominute 2:22.30, ye Gustaf Rondengudu teya pehala etitatu moka a li a mana muule woominute 2:23.74.

Nduuviteko Salmi okwa li a goyo ethigathano ndika nondapo yoshivudhudhu moshinanano shoometa 1 500 sho ali eendemo owala oominute 4:57.06, ye David Sarafina teya pehala etiyali noominute 5:00.00, ye Gustaf Rondengudu teya pehala etitatu noominute 5:00.77.
Ashike gamwe gwomomadhina omanene muudhano wo Ateletika ka ga li ga holoka puudhano mbuka molwa iinakugwanithwa yayooloka yomaudhano, aamatuki aanene ngaashi Lavinia Haitope Leonard Nampala, Hilaria Johannes na Nangula Ekandjo oye li ko South Africa hoka ye li ta ya ilongekidhile omaudhano goCommon Wealth mboka wu li ko nuumvo.

Tjipekapora Herunga na ye wo ka li a holoka puudhano mbuka molwomayidheulo ngoka e na oku kuthombinga pondje yoshilongo.

LEAVE A REPLY

Please enter your comment!
Please enter your name here