Iszee ta pula komeho noongalo

0
29

Maria Namupala

OTAMANZI-Omuhikingalo Simeon Iipinge a tseyika nawa Sir Iipinge (Iszee), okwa ti ota humu komeho moongalo noku uvite etumba sho a dhama mokudhi hika, oshoka osho oshipewa she, shoka e hole monkalamwenyo ye.
Moonkundathana ndhoka twa ningi naye oshiwike shika okwa yelitha kutya okwa yambukile mOtamanzi moshitopolwa sha Omusati, ashike pethimbo ndika okwa kala moWalvis Bay omolwiilonga.

“Onda wayimine ehangano lyoongalo mo 2003, nethimbo alihe onda kala ndili konima yomweelo onde ke ya puuyelele mo 2006, moka nda wayiminwa ku Zex Man, ngoka twa longo pamwe moku pititha oalbuma yetu mo 2007, tayi ithanwa Hawutsini,” Iszee ta ti.
Okwa holola kutya molwomashongo gontumba nogongandi nompumbwe yoshimaliwa, okwali a shuna monima kashona nokwa kala ta nana nondatu, unene sho kuume ke ngoka a kala he mu kumike a thigipo oshilongo nokwa yi koSouth Africa.

Okwa hokolola kutya mo2008 okwi itsu kahewa ke Doxdo aka King D, ngoka ye ya pamwe nokupula komeho noongalo dhawo, natango,noyeshi pondola sho ya longo uule woomvula ne lwaampoka, noya pititha oalbuma yawo mo 2014, tayi ithanwa Stop the Violence.

Pethimbo ndika ohaya imbi oongalo dhawo kohi yongundu tayi ithanwa Sea Weather, ta ti okwi ipyakidhila nokunduluka oongalo dhe moalbuma ndjoka a tengeneka yi kale ya pita omwedhi twa taalela, nokunyanyudhe aaholi yoongalo dhe mboka ya kala yedhi tegelela uulethimbo.

“Oalbuma ndjoka otayi kala yu udha oongalo notayi ka ithanwa Ombilive (Love letter), moka tandi kumagidha unene aagundjuka kombinga yiinima yuuyuni, unene iihole na yilwe mbyoka ya pamba onkalathano,” ta tsikileko ngaaka.

Oshiwike sha ziko okwali a pititha okangalo kesiku lyohole hoka taka ithanwa My Valentine, e ka nunina mboka yeli mohole no yu uvitathane nokuume kawo kopaihole ya tsikile okuulikilathana ohole ya manguluka, ta ti moalbuma ye otamu adhika uungalo ngaashi Ohole, Ombilive, My Valentine mokati kaamboka 14.

Okwa longa pamwe naahikingalo ngaashi Msunday, Dizzo Dee, Rommano, iitya nongowela oye mwene, noye a shanga oongalo ndhoka. Okwati okwa kwathela woo aahikingalo yalwe mokwiimba.

Ta gwedhapo kutya etameko lye ka lya li epu, noku uvaneke kutya ita shuna monima, ye ita sholola ota tsikile okugandja etumwalaka tali tungu naashika oteshi ningi okupitila moongalo.

LEAVE A REPLY

Please enter your comment!
Please enter your name here