Omulongwa mompangu molweikutho lyepunda

0
833

Maria Namupala

ONDANGWA-Omulongwa mondondo onti 10 posikola yaAmakali moshitopolwa Oshikoto okwa tulwa miipandeko ehulilo shiwike lya piti sho anuwa iikutha etegelelo lyoomwedhi hetatu.

Maria Neshuku gomimvo 21 a yambukile momukunda Onambugulu moshitopolwa shoka, okwa holoka Omaandaha oshiwike shika mompangu ya mangestarata mOndangwa.

Otaku hokololwa ali metegelelo lyoomwedhi hetatu, ashike aakuluntu megumbo ka yali yeshi nongela. Omukanda gopolisi yomoshitopolwa ogwa holola kutya okanona koomvula 10 oki itsu omalapi ge na oombinzi, noka lombwele yinakulu ngoka aadhika e ya megumbo esiku ndyoka okuza kiilonga.

Yinakulu ngoka okwa li a pula pula omufekelwa, ngoka itaale kutya okwa metegelelo e ta mono okanona, ashike sho a mono kutya okasa okwe ke ekelahi omudhimba ngoka kuundjugo wopomudhingoloko nosha ningwa oowili dhomutenya etitatu oshiwike sha piti.
Yinakulu ngoka Elise Shilongo okwa yelitha kutya okwali a falwa kokandjugo hoka kweekelwahi okamudhimba, noyali yi ithana opolisi, ndjoka ye ya nokuninga omakonakono noku manga omufekelwa.

Anuwa ta lombwele yinakulu kutya okwa li a mono okanona kokakadhona uusiku omanga aanegumbo yaadhika ya lala, nokweka mangele monailona omanga inee ke ekelahi hoka, nolutu ndoka omo lwa adhika kopolisi mokandjugo.

Omufekelwa okwa holoka mompangu omaandaha komeho gomupanguli Ilge Rheent, nomweetipo gwiihokolola yepangelo Charly Nabot Iyambo. Okwa fatululilwa uuthemba we, nokwa tseyithilwa a tulemo omukanda gweindilo gomupopiliko gopaveta gwepangelo.

Oshipotha she oshuundulilwa komasiku 22 Mai nuumvo, shi gandje ompito opolis yi manithe omakonakono , ye a vule okutulamo omukanda gweindilo lyomupopiliko gopaveta, nokwa pewa a fute obooloha yoshimaliwa sho N$800.

Okwa kunkililwa kaaye omakonakono gopolisi moshipala uuna a mangululwa, nokwa lombwelwa kutya na tsikile okuya kootundi a tegelele esiku taka holoka ishewe kompangu.

Moshiningwanima sha yooloka okwa lopotwa omukokele gomimvo 84 a hulitha konima sho ali onyama ndjoka a landa komulandithi puutala popenzela. Oshiningwanima shoka osha ningilwa komukunda Oshekasheka moshitopolwa Oshana.

Nakusa ngoka okwa tongololwa oye Shitaleni Johannes Petukeni, ta ku ti okwa landa onyama, ndjoka ali konima sho a kwata oshimaliwa she shopenzela pehala opo tuu mpoka. Okwa tameke te ehama mepunda shoka sheetitha a hulithe konima yethimbo.
Aapambele ye oya tseyithilwa nomakonakono gopolisi otaga tsikile, ko ku talike kutya oshike sheetitha eso.

LEAVE A REPLY

Please enter your comment!
Please enter your name here