Oshimaliwa oshapumba shili, ashike ohatu dulu okuxupa

0
38

Pefimbo eli loshimaliwa sha pumba, neliko lounyuni la shuna pedu, olo efimbo olo ounyuni mwa kwatelwa Namibia wa pumbwa okudilaadila nawa opo ku talike kutya oiwana ota i xupu ngahelipi.

Omuwiingilisa ohati ‘think out of the box’. Eli olo naanaa efimbo omo twa pumbwa okudilaadila kondje yasho twa kala hatu dilaadila nale, tu ye po nomadilaadilo mape, nomikalo dipe. Eshi otashi ningwa okupitila meepoloyeka dipe, ile oku nghonopeka odo da kala po nale didule okueta po sha shomupondo.

MoNamibia, oshikondo osho sha pumbwa okunghonopekwa nokunenepekwa ongaashi oshikondo shounamapya nounaimuna. Otwa pumbwa tuli pule kutya ohatu longo ngoo sha wana? Oshikondo shokulonga oikulya otashi longo ngoo ngaashi sha teelelwa? Eli olo efimbo oshimhungu shokulonga oikulya moshilongo sha pumbwa okunghonopekwa, okunenepekwa fiyo okondodo naanaa yaxuuninwa. Otuna omafa okushininga.
Ounyuni aushe oha u xupu mounamapya nounaimuna. Na Namibia yoo ota dulu okuli xupifa, okuxupifa oishiinda longo, nosho yo oilongo oohandimwe mounyuni ngeenge okwa nghonopaleke oshikondo shaye shounamapya.

Namibia oku na elao ita yelekwa noilongo imwe mounyuni oyo ihe na edu nomeva. Namibia okwa yambekwa shaashi oinima aishe oyo ivali oku i na. Vali otu na eedjo dovanhu tadi dulu oku longa nokuxumifa komesho ounamapya.
Otashi kumwifa moshilongo eshi shi na omulonga waKavango noZambezi oko ku na edu liwa, hano omapya omadilopya ndele osha nyengwa okupalula ovanhu eemiliona mbali adike.

Ovanhu opo veli, shaashi oshilongo oshi na ovanyasha vahapu veli momapandaanda tava dulu okulonga nokuxumifa komesho oshilongo ashike ngee hatu dilaadila, otuli ashike mongonga yomadilaadilo omo twa kala nale.

Ngeenge taku popiwa okuninipika omitengenekwamivalu odo da kala po, naku tali ke yoo omukalo oo hatu dulu oku kale ka oshimaliwa moshilongo shi ha kale vali sha yuka kondje yoilongo naa pa inashi pumbiwa.

Kakele koikwamina needjo domomeva, oshikondo shounamapya osho sha tali ka ko onga shimwe shomwaayo ili monomola yotete meliko lounyuni. MoNamibia ounamapya ohau eta mo ashike eepelesenda nhano. Ngeenge okwa wedwa ounamapya wokomikandi nena ounamapya ohaku tengenekwa hau eta mo moshililongo oshuuyemo fiyo opeepelesenda 25 fiyo eepelesenda 50. Ashike nonande taku tengenekwa ngaha, kape na oshiyelekifo shofaafaa okuyeleka oyuuyemo yovanafaalama vokomadu aaveshe. Oshayela kutya ovaNamibia vahapu ohava xupu mounafaalama, mwa kwatelwa ounamapya ounaimuna, noixwa –shalongo pali omadu aaveshe.

Eshi nee ita shi dulu oku lundululwa pashito osheshi kutya eepelesenda ashike mbali domeenhele doshilongo hadi mono odula ya wana. Sha hala kutya vahapu vomovakalimo vokoitukulwa yokomikandi ohava eta mo shihapu moshilongo nonande ve na omashongo manene okuhena omeva a wana.

Onghee hano oshitukulwa osho sheepelesenda 2 sha pumbwa okundalapatelwa shaashi otashi dulu oku kufa oshilongo koxulo yeonga nokuninipika oimaliwa oyo hai di mo ya yuka kondje yoilongo mokulanda oikulya.

Omalolelo oo a ningwa kopolojeka yokoKalimbeza okwa ulika kutya Namibia ota dulu oku kuna nokuteya olwishi, kombinga yoitukulwa yaKavango naZambezi, oko yoo vali ku na ovanafaalama vahapu vena oikunino yomapungu ihe na mbudi, poo poima ngeenge otapa mene nawa epungu oshahala kutya nomahangu nao otaa mene nawa. Oinima oyo oyo oikulya yopetameko moNamibia oyo hatu xupu muyo. Ashike fiyo onena otwe li pyakidila nokuyeeta mo moshilongo okudiilila koishiindalongo ngaasho South-Africa, Zambia, Zimbabwe noshoyo kondje yomafuta ngaashi koIndia.

Hano eli efimbo la wapala okunghonopeka eepoloyeka dounamapya moshilongo, omo ovanyasha ngeno tava kwafwa opo va tote eepoloyeka onena. Otuva na vahapu va ninga ounamapya, ounangeshefa nounongononi woikulya meeuniversity domoshilongo, vo tava yandje oilonga kwaavo veli momapandaanda inava mona omhito yokuya kofikola.

Pamukalo ou, otatu taataa po okuhena oilonga, ohatu ndjeke po eliko loshilongo, fye ohatu kaleke oshimaliwa moshilongo shidulife eshi hatu shi tutu mo nopeemhito opo ina shi pumbiwa.

LEAVE A REPLY

Please enter your comment!
Please enter your name here