Ovakulupe novanaulema, vapewa oValentine

0
35

Tuulikki Abraham

LÜDERITZ-Ovakulupe novanhu ve na oulema ova pewa omaano mOsoondaha opo va tyapule efiku loValentine olo la li ko etitatu lomafiku 14 Febuluali 2018.

Ovakulupe novanhu vena oulema ve li 400 ovalongekidilwa omaano owina, okudilila moshikefa shaMayola wodoolpa yaLüderitz.
Omaano okwa yandjwa keengeleka, modoolopa opo ovakulupe novanhu ovo ve na oulema, va pewe omaano oo alongekidwa okudilila moshikefa shaMayor, a yandjwa okudilila keengeleka davo.

Momaano omuna oinima ihapu, ngaashi osuuka, otee, ocoffee, omaadi okuteleka, oufila meemboloto, omai, naikwao ihapu.
Meongalo laExodus ovakulupe ovali vahafa neengho eshi konima yomambo va ya meumbo leongalo noku ka tambula omaano avo oo vanhuninwa efiku loValentine. Ponhele yaMayor wodoolopa ya Lüderitz Hilaria Mukapuli, omaano okwa yandjwa, kuKansela melelolodoolopa yaLüderitz, Willem Gumede.

Oshikefa shaMayor modoolopa yaLüderitz osha totwa modula 2001, nelalakano opo shi kale nokuyandja omavatelo, kovanhu ovo veli momhumbwe modoolopa oyo.

Momukanda oo wa leshwa mongeleka, wa endela pamwe nomaano ovakulupe, wa shangwa kuMayor, okwa halela ovakulupe osho yo ovanhu ovo vena oulema, va tyapule omaano oo vapewa, noku va halela efiku lo Valentine la yambekwa.

Oshikefa shaMayor, konyala ohashi ningile ovakulupe novanhu ovo ve na oulema, oshivilo shaKrismesa pexulilo lomudo. Odula ya ya, Oshikefa sha Mayor inashi dula okulongekida oshivilo osho, shaashi, odalele yomo Lüderitz Tim Ekandjo, opamwe neumbo laye, oye kwali a longekidila ovakulupe, novanhu vena oulema, oshivilo sha Krismesa. Ekandjo okwa li a longekidila ovakulupe omusha wowina, nokwa li yoo eva longekidila omaano, opo va ka hafele pamwe novatekulu vavo komaumbo.

Oshikefa sha Mayor inashi ka dula vali okulongekidila ovakulupe, oshivilo sha Krismesa. Osho nee ovakwatelikomesho voshikefa eshi va faneka, opo va yandje omaano kovakulupe modoolopa mefiku loValentine.

LEAVE A REPLY

Please enter your comment!
Please enter your name here