Ovalandifi momapandavanda va pula va tungilwe omatala

0
52

Tuulikki Abraham

LÜDERITZ-Ovalandifi momapandavanda moLüderitz, otava pula elelo lodoopa li va tungile omatala, omo tava dulu okulandifila oilandifomwa yavo.

Mopaife ava ohava landifile ashike mongalangala, momhepo nomondawu.
Oshivike sha dja ko ovalandifi vomomapandavanda, ovalombwela Kundana kutya, ovaloloka okulandifila momapandavanda, omo oilandifomwa yavo tai pepwa ashike komhepo, novalandifi voo vene otava fi omutenya, nokulokwa kondau.

Ovalandifi otava hokolola kutya, ngeenge omhepo oyo hai fundula nokupepa moLüderitz oya handuka, ohava dulu ashike okumanga nokutumba oilandifomwa yavo, nokuya komaumbo. “Omunhu oho dulu okukala nande omafiku avali ile atatu ino landifa, omolwonghalo yomhepo, omunhu ove omo hoxupu mokulandandifa, opamwe noludalo loye.” Omulandifi wopokapale kaHainyeko, Secilia Itula osho a tumbula.

Ovalandifi momapandavanda otava tumbula kutya, elelo lodoolopa ole va udanekela nale kutya otaku tungwa, omatala, ashike fiyo onena, omatala oo inaa tungwa natango.

Ovalandifi, ope na ovo hava landifile pokapale, kokulondekela loubesa, poHainyeko, poo ope na ovalandifi ava hava landifile, modoolopa.

Ovo hava landifile modoolopa, otava tumbula kutya, elelo lodoolopa olakala noku va taataya mo, unene tuu ovo hava tema omundilo, nokuyofa ombelela. “Kapena odoolopa ihai tema omundilo, elelo lodoolopa nali kendabale ashike li tu tungile omatala, opo hatudulu okulandifila, oilandifomwa yetu, ashike omatala naatungwe ponhele ili nawa, opo ovalandi tava dulu okutumona noupu.”Secilia Iitula osho a tumbula.

“Fye otwa hala tu tungilwe omatala, tu dule okulandifa oilandifomwa yetu twa manguluka, ovanhu vamwe katu na oilonga, ofye ovava twa kanifa oilonga mofaablika ya NovaNam. Otu na ounona ve li keeUniversity, katu na apa hatu hange oshimaliwa, shoku va futila, onghe, ohatu kendabala nokulandifa, opo tuli monene omboloto yetu, noyomaludalo etu.” Cornelia Shoombe, oo ha landifa pongalangala modoolopa yaLüderitz osho a tumbula.

LEAVE A REPLY

Please enter your comment!
Please enter your name here