A shinga fiyo omobashu yovanhu

0
939

Tuulikki Abraham

Lüderitz-Omukainhu womido 53 okwa hupa moshiponga eshi a hangika a kofa mobashu yaye molukanda loArea 7 mo Lüderitz.
Otaku hokololwa omushingi wotuwa a nyengwa okui kondolola no ye li denge mobashu, ya mbonyonapo omuvelo, ndele tai tavakana mokati kobashu noku kambadukila kombinga ikwao yobashu.

Otaku hokololwa otuwa yapita medimo lotete omo hamufikilwa, nokumbonyaunapo oipundi aishe oyo yali mo, tai piti vali yafinda medimo likwao omo Drotea Vatilifa a hangika a nangala, ashike, otuwa oya enda ashike popepi nombete ya ye noku pita mo mobashu.

Drotea ota hokolola oshiponga sha ningwa ongula inene yolomakaya lwopo tundi 02h45. Ota ti okwa uda ashike oshinima shambolokota, naashi a penduka okuwete ashike ouyelele, elamba lopondje lemuminikila, shaashi obashu oya mbonyonwapo ko tuwa.
Otati, nande akwatwa kehaluko, okweshipondola okupita pokati koipeleki ya ndonyauka, na ina mona nande oko okakwelunyuna kasha.

“Ondapita ashike mokati koipeleki, imwe oya endjelela imwe oya nangala pedu, nomokati keengodi dolusheno da tokauka, ndele Tate Kalunga okwaamenange inandimona nande okakwelunyuna kasha. Mee Drotea osho ahokolola.

Otati, otuwa yoo vene oya pita moshivelo, taimbonyaunapo oipundi oyo yali mo nduda yokufikila ovaenda, taipiti monduda yokunangala, yoo otai ka mbanduka pondje. Ota hohokolola, kutya,oshikopa yaye yoikutu, oyo ashike yakumwa kotuwa yo otai yaamena kombete.
Drotea otahokolola kutya eshi adjamo monduda, voo novashiinda va penduka vatale kutya oshinima oshikwashike naanaa, eshi va ka tala otuwa oyambaduka, mo mobashu, omutwewotuwa uli pondje, ombinga ikwao oili meni lobashu, ashike vati motuwa inavahangamo omunhu. Vati ovashiinda vamwe ava vapitamo tete otavati vati omunhu okwa monika tafadukapo eli mombulukweva ihupi.

“Eshi takushi lela, okuya lwopo tundi 05h00 yongula, opo nee ndiwete, omunhu euya tati oye mwene wotuwa, ena neeshapi , vati otuwa yaye, oya li ya vakwapo, vati yee haye kwali tei shingi.” Drotea osho a tumbula.

Onhele opo otuwa ya yamobashu, kaili unene kokule, naapo pali paningilwa oshiningwa nima shafaafana nashikwao. Odula yaya 2017 mu July kolukanda tuu olo lo Area 7, popepi ashike nonhele oyo, otuwa yobaky oyali yalupuka meebashu dili mbali, mobashu onhinhatu omo mwakahakela otuwa omo ya kala fiyo otakushi, ngaashi naana ei yo tuukala.

Lao linene, moiningwanima aishe ei yopavali meebashu omwahangika ovanhu, ashike eetuwa oha diva ende ashike pominghulo.

LEAVE A REPLY

Please enter your comment!
Please enter your name here