Wahengo a nyanyudha koKalabar

0
17

Pinehas Nakaziko

WINDHOEK-Omuimbi gwoongalo dhOshiwambo, Jackson Wahengo okwa nyanyudha engathithi enene lyaapulakeni pehala lyokunwa nokulya lyoKalabar mohotela yoHilton moVenduka oshiwike sha yi.

Wahengo okwa li a imbi oongalo dhe odhindji ndhoka dha nyanyudha aapulakeni ye, mwakwatelwa ndhoka dha Tate Kwela ngaashi Kanailonga, Kalomoh naMagano ga Samuele.

Omainyanyudho ngaka okwa li ga ningilwa owina kehangano lyOndjila Y´Ondjaba Concert Agency, ndjoka ya uvathana noWarehouse Theatre okudhana oshituthi shegwanitho lyoomvula 28 dhemanguluko lyaNamibia.

Oshituthi shika otashi ka ningwa momasiku 21 gaMaalitsa, moka Wahengo, ta ka mona ompito yokupititha nokutseyitha okangalo ke Masekela, hoka e ka ningila owina okudhimbulukwa omuimbi dhingi omuSouth Africa, Hugh Masekela, ngoka ha imbi oongalo dhoJazz.
Omiyelo dhoshiindingili shika otadhi ka eguluka pohetatu yo kongulohi, nota pu ka kala elanditho lyiikunwa niikulya oyindji, mwakwatelwa okapana, nuucocktails. Omayinyanyudho ngaka otaga ka tameka mongulu yoBoiler Room, moka ongundu yoJacob & Taylor tayi ka tameka okunyanyudha ethimbo lyomutenya.

Wahengo nongundu yoThe Homeboys otaya ka tameka ethimbo lyokongulohi, noku imba oongalo ndhoka dhina omulyo gwo shi South Africa, Cuban naandhoka dhokiilongo ya yoolokathana.

LEAVE A REPLY

Please enter your comment!
Please enter your name here