Edhingoloko lyotango lyekopi lyaDebmarine lya thiki

0
52

Shipi Elago

OSHAKATI-Olyo ishewe ethimbo lyokomumvo sho oosipana dhoSecond Division tadhi ka ya mondambo molweetho lwotango lwekopi lyoDebmarine.

Ekopi ndyoka lya li lya totwa po omvula ya zako olya tegelelwa li ka tameke nolweetho lwoosipana dhomooliha dhopevi miitopolwa ayihe 14 yoshilongo.

Oshitopolwa shaShana osha li sha ningi omalongekidho nkene oosipana dha mo ta dhi ka dhana ehuliloshiwike ndika okutala kutya olye ta ka kalela po oshitopolwa shaShana muudhano mbuka.
Omusindani gwomvula ya zi ko Khuse FC ota ka tameka olweendo lwe, mekopi ndika na Pescanova FC pokapale kUukwangula olyomakaya ngaka.

Shaama “Bongo” Samuel ngoka a tseyika nawa onga Messias gwokatanga kokoompadhi mOshana ota ka ya muudhano mbuka noshikaha shili pombanda oshoka osipana ye oyili momufolomo omwaanawa unene tuu konima yuudhano wehuliloshiwike moka ya li ya mono esindano muudhano woliha, ndyoka lya li lye ya tulaka koontuni dholiha.

Brav e Lions ota ka nukila mondambo muudhano uutiyali wesiku na Vietnam Rangers , omanga Golden Bigs ngoka eli kuunyogo woku sindana po oliha yaShana ta ka ya mokapale nOshakati United ndjoka yili mokati koshitaafula sholiha.
Young Brave ndjoka yili natango miikondekitho ota yi kiikwata nOnelago United, omanga Foxy Senior FC te ki ikwata nekondombolo lyaNangombe Oshakati City.

Uudhano wahugunina ota wu ka kala pokati ka African United Ya Ndjeimo Tobias na Poison Arrows.
Khuse FC oye a li a sindana po uudhano woosipana dhomOshana omvula ya zi ko na otwa tegelela natango a ka tsikile mpoka a li a h, osipana ndjoka ta yi ka sinda na po uudhano mbuka ota yi ka wayimina oshihampi shoosipana dhoSecond Division dhili 14 dha za kehe moshitopolwa miitopolwa 14 yoshilongo.

Oosipana ndhika ota dhi ka wayiminwa koosipana 16 dhoka ha dhi dhana moliha yoMTC Namibia Premier League, noosipana mbali ta dhi zi koliha yo First Division.

Oosipana dho First Division nadho odha tegelelwa dhi ka tameke uudhano wadho wekopi ndika mehuliloshiwike taliya 10-11 gaMaalitsa okuzilila pokapale kOmulunga Stadium mOshaanda.

Osipana yoMilitary School FC ota yi ka patulula okapale no Touch & Go FC, omanga uudhano uutiyali ota wu ka kala pokati koGolden Bees FC noTropical Heat yo Ongwediva City tayi landula mo noAfrican Lions.
Young Stars yokOshikuku ota yi ka taalela KK Palace yaNdangwa , omanga African Motto ta ka ya mondambo naNambula United omanga UNAM Ogongo ta kaya mokapale na Eleven Warriors.
Oosipana ndhika ota dhi ka dhana ekopi lyoNFA nando odha ningi esiku dha tsilika oongaku oshoka oliha yoFirts Division ina yi tameka natango.

Oshitopolwa sha hangwena nasho wo oshili metifa lyo ku longekidha oosipana dhawo dhoSecond Division moka ya li yena odraw ohela okutala kutya oosipana ota dhi ka dhana ngiini ashike uuyelel kutya ota ya ka dhana luni ka wali wiihwapo pethimbo Kundana a li ayi koshinyanyangidho.

LEAVE A REPLY

Please enter your comment!
Please enter your name here