Iikombo17 ya kwatwa kolwaadhi

0
220

Obrein Simasiku

Omvula yoshikungulu noombadhi oya ehameke omunafaalama omukokele, Daniel Lungameni, sho olwaadhi lwa yakula po iikombo 17 yomoshigunda she, komatango gEtine lya piti mOnalunike moshitopolwa Oshikoto. Oshiningwanima shika osha ningwa komatango Etine lyayi pOnalunike omanga Lungameni ta fala iikombo koshigunda. Lungameni ngoka a li popepi niikombo ye sho olwaadhi lwe yi kwata, ota ti, ita itaale kutya okwa hupithwa ngiini, oshoka okwa li popepi konyala oshinano shoometa ntano adhike. “Iikombo oyali momuti, nangame kandali unene kokule nayo, sha landula ko onda mono ashike ndili pevi. Sho nda thikama po, onda mono ashike iikombo yalala ya sa , ngame ka nda li ndina oonkondo dha sha, nomumwandje gomukadhona oye a matuka okukwatha ndje” Lungameni a ti sho a fatulula shoka sha ningwa , okwa gwedha po kutya ota tsikile nokufaalama niikombo 42 mbyoka ya hupithwa kombadhi. Shika hasho shotango Lungameni ta kanitha oshitopolwa sheliko lye, oshoka momumvo 1990 oongombe dhe mbali odha dhipagelwe wo kolwaadhi omanga dhili moshigunda. Lungameni okwa ti ekanitho ndika ote li tengeneke li li pongushu yooN$11 400, a ti okwi ilongekidha okutaamba omagano kehe ngoka aanamutimahenda yi ilongekidha okumupa.

LEAVE A REPLY

Please enter your comment!
Please enter your name here