Ita pu ka kala omuwiliki a za pondje yoshilongo-Ekandjo

0
86

Pinehas Nakaziko

WINDHOEK-Gumwe gwomaawiliki yoshituthi shokugandja omakopi kaahikingalo dhingi moNamibia (NAMAs), Tim Ekandjo, okwa ti nuumvo itapu ka kala nando omuwiliki a za pondje yoshilongo okuwilika poshituthi shika oshitihetatu.

Ekandjo okwa popi ndhika mokuyamukula epulo ndyoka a pulwa kiikundaneki ngele nuumvo oya hiya omuwiliki ngoka e na uunongo keeshi omuNamibia, opo a ka kale a wilika koNAMAs, ngaashi sha kala omukalondjigilile.

Ekandjo okwa ti yo oya hogolola nale uukadhona dhingi utatu woo, Tanya Doringo, Esperance Luvindao, naOdile Gertze owo wuka wilike, na inashi pumbiwa okugwedha mo omuwiliki a za pondje yoshilongo oshoka otashi ka kala ehepeko lyiimaliwa.

Omvula ya zi ko oNAMAs oyali ya hi ya omuwiliki gwoopolohalama dha yoolokathana moSouth Africa, nomuzali gwoonguwo dholelela, Bonang Matheba, nenge Queen B, shoka sha li sha halutha aaNamibia oyendji, noka sha li sha taambiwako nawa.
Oshituhti shonuumvo otashi ka dhanenwa komunkulofuta, moSwakopmund poThe Dome momi 28 gaApilili.

Shika otashi ka kala olweetho olutitatu oshituthi shika tashi ka ningilwa pehala opo tuu mpoka. Ndika okwa li etseyitho ndyoka lyaningwa komunashipundi omunene gwoNAMAs, Umbi Karuaihe-Upi, Tim Ekandjo, mwakwatelwa Mayola gaSwakopmund, Paulina Ndahafa Nashilundo.

Uutekete otau ka landithwa kepandja lyoWebtickets okuza poodola dhaNamibia 250 sigo 600.

LEAVE A REPLY

Please enter your comment!
Please enter your name here