Omakanda nago ga za konima yesiga

0
133

Maria Namupala

ONYAANYA-Nonande ethigathano ly lyaalumentu dhingi moshilongo olya talikako inaali simana, oosikola odhindji monooli yoshilongo ohadhi longekidha iituthi yoontana naamati dhingi, mono hamu tothwamo mboka oyo taa ti pii.

Osekundeskola yUukule moshitopolwa Oshikoto ehuliloshiwike lya piti oya li ya longekidha oshiindingili shaamati naakadhona dhingi, shoka sha kuthwa ombinga kaalongwa ya za mosikola ndjoka na yamwe ya za koosikola dhilwe.
Oshituthi shika osha li shopandjokonona molwaashoka omakanda nago oga mono kutya na ni wu li konima yesiga uupyu womulilo ito wu uvu, onkene oya tokola opo ya zeko ya tale shoka tashi inyenge handiyaka.

Methigathano muka omwali mwa kuthwa ombinga kaakadhona 13 omanga omakanda gatatu nago ga wayimine oshiindingili noku ulika nkene haga vulu okwiimemeha, nokudhenga olukaku pevi.

Henry Andjene okwa li uulikwa omumati dhingi mosikola moka nomutiyali gwe Sakaria Sakaria, Andjene okwa holola kutya molwaashoka ethigathano ndika olya li lyeegulukila omakanda okwali a tokola opo a kuthe ombinga. Tati shika osho oshikando she shotango ta kutha ombinga nokwa mona kutya nani kehe shimwe otashi vulu okuningwa, nokwa kumike ooyakwawo mboka ye na ehalo okukutha ombinga momathigathano nga ngaka ye shi ningi nelalakano ka li shi okuvena ashike okuulika iipewa niitalenti mbyoka yena.
Methigathano lyoontana dhingi Tuwilika Mwetulungila oye uulikwa okakadhona dhingi mosikola moka, sho a kangele ayehe noku ulike omukumo neitulemo lye methigathano alihe.

Konima ashike sho uulikwa ethamba dhingi mehuliloshiwike Mwetulungila, okwa uvaneke ta tsikile okuulika oshipewa noshitalenti she. Mwetulungila okuulikwa ethamba dhingi muudhano mboka wali wa longekidhwa kosekundeskola ya Uukule.
Mwetulungila omulongwa mondondo onti-12, nokwa holola kutya ye mwene hasho oshikando shotango ta kutha ombinga momathigathano nga ngaka, olundji oha kutha ombinga noha sindana.

Ethamba dhingi ta holola kutya yemwene sho a kutha ombinga kali unene ta lalakanene okuvena molwaashoka momathigathano kehe omuna iinima iyali, hashi vulika wu sindane nenge wu ndope, kakele kwaashoka otati okuna oshipewa shoka a pumbwa okuulika nokushi gwanithapo aluhe.

Okwa ti omathigathano ngaka kageshi owala okupungulula oonto ashike ohaga yele woo uuluyi nomadhiladhilo gomuntu, a talike ngele ota vulu okuyamukula epulo inee li ilongekidhila muule wethimbo lya ngambekwa.
Lyomba Desiree eli mondondo onti 10 okuulikwa 1st Princes oshowo Miss Personality.

LEAVE A REPLY

Please enter your comment!
Please enter your name here