Oshivilo shomakolofish mo Lüderitz

0
65

Tuulikki Abraham

LÜDERITZ-Oshivilo shoipindi sho ko mudo, osho hashi ufanwa Lüderitz Crayfish Festival okoshili noneudo.Neudo otashi kala oshikando oshitimulongo nashimwe eshi oshivilo eshi tashi tyapulwa, modoolopa yokomunghulofuta koumbuwanhu woshilongo.

Eshiivifo pambelewa loshiindingili eshi ola ningwa komupedu Minista wEeshi nEedjo domefuta, Silvia Makgone, oshivike shaya, pouvalelo wokushiivifa pambelewa oshivilo eshi oshoyo eongelo loshimaliwa,loshivilo shoMakolofish, shaningilwa poLüderitz Nest Hotel.

Okwa shiivifwa oshivilo eshi tashi ka kalako okuhovela 26 Apiilili fiyo 01 Mai 2018 moLüderitz.
Mayola waLüderitz, Hialria Mukapuli okwa shiivifa kutya oshivilo sholudi eli okwa didilikwa sha kala tashi xumu nawa komesho oule weedula adishe odo twadja.

Noneudo, okwe lineekela kutya otashi ka kala shi li pomufika wopombada, shaashi ovakwateli komesho melongekido ovelitula mo neenghono.

Momhito ei Mayola Mukapuli okwa tumbula kutya oshivilo eshi shoipindi shokomudo, omo ovanangeshefa vopetameko novopokati hava mono omhito yoku ulika oipindi yavo.

Mukapuli okwa indila omahangano opaumwene, naa opapangelo, opo a longife omhito yatya ngaha moku shiivifa omayakulo avo.
Oshimaliwa osho sha ongelwa efiku olo oshali konyala eeN$560 000. Ehangano lokuyula eeshi loSeaflower Group, olo la yandja oshimaliwa shihapu eeN$150 000, taku landula ehangano lo MTC olo la yandja oshimaliwa sheeN$125 000, Standard Bank eeN$100 000, Ombaanga yo FNB N$80 000, NovaNam N$40 000, omahangano makwawo novanhu koohandimwe, ova udaneka tava yandje oshimaliwa sheeN$10 000 fiyo N$1000.

Oshiindingili oshal i tashi wilikwa komunamashendjo Neville Basson. Naavo vali mouvalelo omo ovali tava teka koindjola koiyolifa oyo yali tai popiwa ku Basson.

Omuimbi Suzy Eises oye a li ta mwenyeke, ouvalelo ou. Ali ta imbi eengalo nenghuma olo haimbi nalo.
Kaume ko Crayfish Festival, Tim Ekandjo, naye okwa li a mona omhito okukala moxungi omo, nokwa indila opo exumo komesho li endelelifwe okufika moLüderitz.

LEAVE A REPLY

Please enter your comment!
Please enter your name here