Cornelius oye Junior Mayor wa Lüderitz

0
39

Tuulikki Abraham

Lüderitz-Simon Cornelius oye a ulikwa a ninge Junior Mayor wodoolopa ya-Lüderitz. Cornelius opamwe novanafikola vakwao ve li va heyali, ova anifilwa moshilonga shouJunior Councillor Etitano la dja ko, peembelewa delelo lodoolopa yaLüderitz.

Omulongwa mondodo 12 pofikola yopombadaya yaAngra Pequena moLüderitz, okwa udaneka ta ka longa novanyasha modoolopa ayishe koonono, moku va kumaida, opo ve litulemo mehongo, ndele vaha kendabale nande okukufa ombinga moinima oyo tai teya po eenghalamwenyo davo.

Ta tumbula kutya, oulefimbo oo ta kala koshipundi onga Junior Mayor, otaka unga oyoongalele, ina sha nomapukululo ovanyasha, omo ovanyasha tava ka kumaidwa opo va angale okulongifa oingangamwifi, okulikeelela okuninga omateelelo manga u li omunafikola, noku pukululafana yoo kombinga yonghalamwenyo mefimbo lounyasha.

Cornelius okwa pandula unene ovanafikola vakwao ovo ve mu hoolola opo a ninge Junior Mayor, nokwa tumbula kutya, onghatu oyo a mona youleli, oya nghonopeka onghatu oyo e li pofikola yavo onga omupeduwiliki wovamati.
Ovanafikola ovo va anifilwa mouJunior Councillor, ova dja kofikola yaAngra Pequina Junior Secondary School, nokoChristian School moLüderitz.

Omupedu Mayola oye Paulina Ndafonghoshi, Hamushanga Nakwila Ipinge, Omupopiliko wewiliko Reime Cloete, oilyo ya wedwa po oyo Nambulelo Links, Nelson Kandjibi, Enge Smith naSafihuna Josea.

LEAVE A REPLY

Please enter your comment!
Please enter your name here