Omakondombolo gomOshakati taga ka lya ehete ngula

0
66

Shipi Elago

Ongwediva-Ehuliloshiwike ndika ontsi otayi ka tsima momeya pokapale kUukwangula Sport Stadium sho oosipana mbali dhoka dhi li dha kindja moNooli ngashiingeyi, Golden Bigs naKhuse FC tadhi ki ikwata molweetho olututiyali lwa hugunina lwekopi lyoDebmarine.

Uudhano mboka oyendji ye wu tala ko onga oderby yomOnooli owa tegelelwa wu ka thige oyendji ya gwa kiipundi naayambidhidhi otaya ka pewa omayinyanyudho kaaku na we ngele omutholomo moka mu na oosipana dhika mbali ogwa tsikile nomedhingoloko lya landula ko.
Uudhano mboka wa tegelelwa wu ka tameke pethimbo lyomutenya gwOlyomakaya gangula otawu ke ya wa landula omasindano omanene gwoosipana ndhika momadhingoloko gekopi ndika lya li lya shimbike olyomakaya ya za ko.

Khuse FC okwa li a tameke ethigathano ndika nuunkundi konima sho a li a dhana shi thike pamwe naPescanova 1-1, ashike Khuse okwa li a tompola okusindana po uudhano noopelenti 5-4.

Golden Bigs okwa li a dhenge mo Oshakati United 4-2 omanga Foxy Senior FC a li a dhenge mo Oshakati City “Ekondombolo lyaNangombe” nookola mbali 2-1.

African United okwa li i ithigi othika 3-3 naPoison Arrows moka African United a li u umbwa mo mekopi konima sho a li a dhengwa koopelenti nookoola 5-4.

Khuse FC okwa li a hanagula po Vietnam Rangers nookoola 6-2 medhingoloko etitatu lya hugunina omanga Golden Bigs a li a dhenge Young Brave yaNdangwa 6-0 muudhano mboka wa li wa kankamekwa kuShiyenga uule konyala wowili.

Ehuliloshiwike ndika uudhano wekopi lyoDebmarine otawu tsikile moka twa tegelela Foxy Senior a ka patulule okapale naPoison Arrows potundi ontimulongo yongula omanga uudhano wesiku inawu sholokela mokapale, pokati kaGolden Bigs naKhuse FC mu shoka sha talika ko onga uudhano uunene wehuliloshiwike.

Omanga uudhano wa hugunina wesiku tawu ka kala pokati kOshana Second Division X11, osipana ya tungwa po kaadhani dhingi moliha yaShana ndjoka tayi ka dhana nosipana yaamati ye li kohi yomimvo 20 yaShana ndjoka tayi ilongekidhile uudhano wekopi lyoshifo shoThe Namibian, ndyoka tali ka kala koZambezi pehulilo lyomwedhi nguka.

Uudhano wekopi lyoDebmarine otawu ka fumbika onkolo mosoondaha sho omusindani pokati ka Poison Arrows naFoxy Senior FC ta ki ikwata nomusindani pokati ka Khuse naGolden Bigs, ashike uudhano mbuka otawu ka tetekelwa kuudhano pokati kOshana Second Division x11 ndjoka tayi ki ikwata nOshana U/20 oshikando oshitiyali.

Osipana ndjoka tayi ka sindana po uudhano mbuka otayi ka yambula po okapandi koodola 20 000 omanga osipana ontiyali tayi ka toola po okapandi koodola 10 000.

Osipana ndjoka tayi ke ya pehala etitatu netine otayi ka toola po okapandi koodola 5000.
Osipana ndjoka tayi ka sindana po Debmarine Oshana otayi ka tsikila ondjila yi ka kalele po Oshana kedhingoloko lyoosipana 32. khuse FC oku li ta kambadhala opo a ye moshinkoti she shomumvo gwa za ko opo a ka opaleke oonkudhu dhoka a li a longo kedhingoloko ndyoka, ashike manga ina dhilaadhila okuya kedhingoloko ndika lyoosipana 32 oku na okukandula po endangalati mondjla ye ndyoka li li mokambindja koGolden Bigs ndjoka nayo yi li ya hala okuya kedhingoloko lyoosipana 32 notayi ka ya muudhano mbuka yi li momutholomo omwaanawa.

LEAVE A REPLY

Please enter your comment!
Please enter your name here