Oofuto pomatala gaShikango dha shunwa pevi

0
77

Victoria Kaapanda

ONGWEDIVA-Aalanditha yiipindi yomomatala gaShikango oya yamukulwa kombinga yeshunitho pevi lyondando yiifuta yomatala yokomwedhi.
Aalandithi yiipindi yopomatala gaShikango momumvo gwa yi oya li ya kala nokunyenyeta kombinga yondando ndjoka haya futu komwedhi noya li ya kutha etokolo opo yi imange uukuni kumwe noku inika komilungu shina sha neshunitho pevi lyondando yawo ndjono haya futu komwedhi, yo ye ye po nondando ndjoka ya uvathana nokutokola ya kale haya futu kehulilo lyomwedhi. Shino oya li ye shi fala kuMeya gwondoolopa yaHelao Nafidi, mo muna Oshikango, Eliaser Nghipangelwa.

Elalakano lyawo otaya ti, okukwathelwa opo oondando ndhoka haya futu kehulilo lyomwedhi dhi shunithwe pevi oshoka iipindi itayi ende nawa niiyemo oye wete iishona lela. Taya gwedha po kutya shino ohashi etitha ya kale ye na oongunga dhamuni.

Oshiwike sha zi ko, Nghipengelwa okwa li e ya yamukula nawa kutya elele lyondoolopa oli li metifa nokukundathana kombinga yaalandithi yopomatala noondando odha shunithwa pevi. Nale uutala owali hau futwa oshimaliwa shili pokati ko N$95 noN$658 paife oye li pokati N$50 noN$400. Nghipengelwa ta gwedha ko ta ti nonando aalandithi oye na natango omanyenyeto galwe okwa hala e ke ya mone yo ya kundathane pamwe mOlyomakaya lyangula.

LEAVE A REPLY

Please enter your comment!
Please enter your name here