Oradio yoShipi FM paife otayi pulakenwa koGOtv

0
74

Pinehas Nakaziko

Windhoek-Onkundana tayi nyuwitha omakutsi kaapulakeni yooradio yomonooli yoShipi FM oondjika kutya paife otayi kala tayi pulakenwa koGOtv.

Shipi FM osasiona ompe yokutuma omawi mombepo, ndjoka ya li ya patuluka mOndangwa omvula ya zi ko, nelalakano lyokulonga, okunyanyudha nokutseyithila oshigwana. Oradio Shipi FM oondjoka hayi gandja uuyelele tawu uvika kaantu oyendji, unene mboka ye shigamena monooli yoshilongo.

Oshiwike sha zi ko ehangano lyoMultiChoice Namibia, olya li lya tseyitha kutya omakuthikuthi gworadio ndjika otaga kala taga uvika apehe moshilongo, unene tuu ku kehe ngoka e na okadecoder koGOtv. Oradio otayi ka uvikilwa komakuthikuthi gwoGOtv ko313.

Omupopiliko gwoMultiChoice Namibia, Nadhi Kalili okwa holola enyanyu lye, ta ti ndjika ompito ombwaanawa yokulongela pamwe komahangano ngaka gaali ngele tashi ya komangeshefelo, nokugandja omayele gwoshigwana ge li pondondo yopombanda.
Kalili okwa gwedha po ishewe ta ti, oradio yoshigwana ndjika oyo yimwe yi na oopolohalama dhomaludhi ogendji niiyetwapo yi ili noyi ili, noyi li tayi gandja ompito kaakwashigwana ya gandje omaiuvo, omathaneko osho wo omadhiladhilo gawo kombinga yiipopiwa oyindji mbyono tayi kala tayi etwa po.

Shipi FM oku na oopolohalama ndhoka dha nuninwa aagundjuka naakuluntu, nomupulakeni kehe ngoka ta vulu okupulakena noku li mpoka pe na omakuthikuthi gawo. Oradio ndjika ohayi tumu omawi mombepo Melaka lyOshiingilisa osho wo mOshiwambo.

“Moradio ndjika otwa li twa hokwa mo iipopiwa mbyoka tayi tungu oshigwana yi li hayi wilikwa koradio ndjika, naashika osha li she tu hwahwameke opo tu tse uukuni kumwe naa etipo yawo, molwa ehumokomeho lyi li nawa. Naashika okwa li ishewe sha ningwa nelalakano lyokutula uutekinolohi pamuthika gwopombanda, mpoka kehe gumwe ta vulu okupulakena oradio ndjika,” Kalili ta gwedha po ngaaka.
Kakele kwaashoka, okwa ti ishewe yo otaya tsikile nokukwathelathana, omanga ye li taya gandja omayakulo omawanawa gwooradio dhomuzizimbe.

LEAVE A REPLY

Please enter your comment!
Please enter your name here